Mutsinzi na Djihad basezerewe muri UEFA Conference League

Mutsinzi na Djihad basezerewe muri UEFA Conference League

Zira FK yo mu cyiciro cya mbere muri Azerbaijan ikinamo myugariro Mutsinzi Ange yasezerewe mu ijonjora rya nyuma rya UEFA Conference League inyagiwe na Omonia Nicosia yo muri Chypre iyitsinze ibitego 6-1 mu mikino yombi.

Ku mugoroba wo ku wa Kane tariki 29 Kanama 2024 ni bwo hakinwe imikino yo kwishyura ya kamarampaka yo kwnjira mu matsinda ya UEFA Conference League.

Mu gihugu cya Azerbaijan Zira FK yo mu cyiciro cya mbere ikinamo myugariro Mutsinzi Ange yari yakiriye Omonia Nicosia yo muri Chypre mu mukino wo Kwishyura.

Umukino ubanza Omonia Nicosia yo muri Chypre yanyagiye Zira FK ibitego 6-0.

Zira FK yasabwaga gukora ibisa nk’ibitangaza igatsinda ibitego 7-0 kugira ngo ibone itike y’amatsinda.

Uyu mukino warangiye FK Zira itsinze Omonia Nicosia igitego 1-0 cyatsinzwe na Raphael utzig ku munota wa 75, isezererwa ku igiteranyo cy’ibitego 6-1 mu mikino yombi.

Undi mukino wari uhanzwe amaso n’Abanyarwanda ni uwa Kryvbas Kryvyi Rih yo mu cyiciro cya Mbere muri Ukraine ikinamo Kapiteni w’ikipe y’igihugu “Amavubi” Bizimana Djihad yanyagiwe na Real Betis yo muri Espagne ibitego 3-0.

Mu mukino ubanza, Real Betis yo muri Espagne iyitsindiye Kryvbas
mu rugo ibitego 2-0 bya Ezequiel Ávila ku munota wa 13 ndetse n’icya Rodri ku munota wa 62.

Kryvbas yasabwaga ibitego bitatu ku busa kugira ngo ibone itike yo gukina amatsinda.

Umukino wagoye cyane abasore ba Kryvbas kuko batsinzwe ibitego bitatu mu minota itanu ya nyuma y’igice cya mbere.

Ku munota wa 40 Rutahizamu Aitor Rubial yafunguye amazamu, nyuma y’umunota umwe gusa umunya Morocco Abdessamad Ezzalzouli yatsinze igitego cya kabiri.

Habura iminota ibiri ngo Igice cya mbere kirangire ku munota wa Abdessamad Ezzalzouli yatsinze igitego cya gatatu.

Umukino warangiye Real Betis itsinze Kryvbas ibitego 3-0 iyisezerera ku giteranyo cy’ibitego 5-0 mu mikino yombi.

Amakipe 36 yabonye itike ya UEFA Conference League

Chelsea, Copenhagen, Gent, Fiorentina, LASK, Real Betis, Başakşehir, Molde, Legia, Warszawa, Heidenheim, Djurgården, APOEL, SK Rapid Omonoia Nicosia , Helsinki , Vitória SC , Astana , Olimpija, Cercle Brugge, Shamrock Rovers, The New Saints, Lugano, Hearts, Mladá Boleslav, Petrocub, St. Gallen, Panathinaikos,TSC, Borac, Celje, Larne, Dinamo, Minsk, Pafos,Víkingur, Noah.

Tombola y’uko amakipe azahura iteganyijwe kuri uyu wa Gatanu tariki 30 Kanama 2024 i Monaco mu Bufaransa.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27