Umuhanzi Yago yahunze

Umuhanzi Yago yahunze

Umuhanzi Nyarwaya Innocent wamenyekanye cyane nka Yago yatangaje ko yahunze biturutse ku gatsiko kashatse kumwica mu myaka Ine ishize nkuko yabigarutseho ku rubuga rwe rwa X.

Nubwo yatangaje ko yahunze kandi agahungira mu gihugu cya Uganda, yaciye amarenga ko atahunze kubera kwanga u Rwanda ahubwo ko ari abantu ku giti cyabo babiteye.

Ati: “Rwanda nkunda, nkuhunze ntakwanga ahubwo mpunze agatsiko k’abashatse kunyica mu myaka 4 ishize, nkataka ariko ntawanyumvise n’umwe. Umutima wanjye urababaye cyane ariko ntumpamagara nzitaba, kuko data yaragukoreye mama arakubyarira, Uganda! nyakira.”

Yago yavuze ko ngo aho kuva mu buzima yava mu bo yise abarozi.

Yakomeje agira ati: “Ukuri kugomba gutsinda. Umuntu atotezwa imyaka 4 n’abantu bamwe abandi bakabakomera amashyi. Undi yavuga icyumweru kimwe bagashya ubwoba, ibikuba bigacika.

Mwantoteje imyaka 4 yose Isi yose iranyanga mumbeshyera kubera ubwoba bwanyu no gushaka kwikubira, muhagarare!”

Yago azwi cyane mu ndirimbo; Rata, Si Swing n’izindi ndirimbo. Yamenyekanye kandi nk’umunyamakuru aho yakoze ibiganiro bitandukanye kuri Radio Dix.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27