Tuyobowe na Kagame ntitwaburana – Bien Aime wo muri Kenya

Tuyobowe na Kagame ntitwaburana – Bien Aime wo muri Kenya

Umuhanzi wo muri Kenya Bien Aime wamenyekenye cyane mu itsinda ry’umuziki rya Sauti Sol, yagarutse ku kibazo cy’umutekano muke uri muri Kenya utezwa n’urubyiruko, avuga ko baramutse bafite Perezida Kagame nta kibazo baba bafite.

Yabigarutseho kuri uyu wa Kabiri tariki 27 Kanama 2024, mu kiganiro n’itangazamakuru ubwo yari ageze i Kigali mu ruzinduko rugamije gutunganya indirimbo afitanye na Bruce Melodie.

Ubwo yari abajijwe icyo abahanzi bakora mu guharanira amahoro n’umutekano wa Kenya bivugwa ko wahungabanyijwe n’urubyiruko rwiyita aba Gen-Z, Bien Aime yasubije ko Kenya ari Igihugu gifite umutekano.

Ati: “Kenya ni Igihugu cy’amahoro, ndashaka ko abantu bamenya ko Kenya ari Igihugu cy’Amahoro ahubwo Guverinoma ntabwo ikora ibyo isabwa, muratekereza ko tuyoborwa na Kagame twaburana? Ahubwo ndumva twakwibaza ngo ni iki Guverinoma yakora igaha Gen-Z (urubyiruko) uburyo bwo  kugaragazamo impano zabo, ibitekerezo byiza, bikabafasha kwaguka mu buryo bwose ku buryo byabageza ku rundi rwego.”

Avuga ko afata u Rwanda nk’aho ari iwabo ha kabiri, kuko n’iyo abantu bamubonye bavuga ko agaragara nk’Abanyarwanda.

Ati: “Iyo abantu babonye izina ryange bavuga ko ndi Umunyarwanda, iyo abantu bambonye hirya no hino ku Isi abambonye bambwira ko nsa n’Abanyarwanda, kandi n’iyo mpaje nakirwa neza cyane, nkunda ibyo kurya byaho, nkunda umuziki waho ndetse n’abahanzi baho.”

Abagize itsinda rya Sauti Sol batangaje ko bahagaritse gukorana nk’itsinda mu mwaka wa 2023, ari na bwo Bien Aime yahisemo gukomeza umuziki wenyine.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27