Abakobwa bakoze ibizamini bya Leta mu mashuri abanza bagabanyutseho 0.12%

Abakobwa bakoze ibizamini bya Leta mu mashuri abanza bagabanyutseho 0.12%

Umubare w’abana b’abakobwa  bakoze ibizamini cya Leta bisoza amashuri abanza wagabanyutseho 0.12%  bangana n’abana 129.

Ni ukuvuga ko uyu mwaka w’amashuri wa 2023/2024 bakoze abakobwa 111 835 mu gihe uwawubanjirije wa 2022/2023 bari 111 964, ndetse uyu mwaka ugereranyije n’uwa 2021/2022 hagabanyutseho abakobwa 14 635 kuko abakoze ikizamini cya Leta bari 126 470.

Minisiteri y’Uburezi (MINEDUC), ubwo yatangazaga  amanota y’ibizamini bya Leta kuri uyu wa 27 Kanama 2024, yagaragaje ko umubare w’abana b’abahungu bakoze ikizamini mu mashuri abanza bo  wiyongereyeho 0.16% bangana na 144.

Bisobanuye ko uyu mwaka w’amashuri hakoze abahungu 91 263, mu gihe uwawubanjirije bari 91 119 ariko hagabanyukaho abana 12 425 ugereranyije n’umwaka wa 2021/2022 kuko hakoze abagera ku 103 688. 

Mu mashuri abanza muri rusange abanyeshuri batsinze ku kigero cya 96,8% aho abakobwa batsinze ku kigero cya 97%, naho abahungu batsinda kuri 96,6%, mu gihe  mu batsinzwe  abakobwa ari 3,0% abahungu bakaba 3,4%.

Mu cyiciro rusange cy’amashuri yisumbuye, abahungu batsinze ku kigero cya 95,8%, mu gihe abakobwa batsinze ku kigero cya 92%.

Umubare w’abahungu bakoze ibizamini bya Leta mu cyiciro cya mbere cy’ayisumbuye 2023/2024 abakobwa ni 80 327 mu gihe umwaka wawubanjirije bari 73 561 ni ukuvuga ko biyongereyeho 6 766 bangana na 9,2%

Naho abahungu ni 63 544 bakaba bariyongereyeho 5 503 bangana na 9,48% kuko  uwawubanjirije bari 58 041 mu gihe umwaka wa 2021/2022 bari 56 870.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27