REG BBC na APR BBC zageze ku mukino wa nyuma wa Rwanda Cup

REG BBC na APR BBC zageze ku mukino wa nyuma wa Rwanda Cup

APR BBC yatsinze Patriots amanota 91-70 naho REG BBC itsinda Espoir BBC amanota 98-72, amakipe yombi abona itike yo gukina umukino wa nyuma w’irushanwa rya Rwanda Cup rikinywe ku nshuro ya mbere.

Iyi mikino ya 1/2 yabaye ku mugoroba wo ku wa Gatatu tariki 7 Kanama 2024 kuri Lcyee de Kigali.

Mu mukino wari utegerejwe cyane n’abakunzi ba Basketball wahuje APR BBC na Patriots.

Amakipe yombi yakinnye adafite bamwe mu bakinnyi bagenderaho urugero Patroits ntabwo yari ifite Steve Hagumintwali na Willy Perry mu gihe APR itari ifite umunyamali Aliou Diarra.

Ikipe y’Ingabo z’Igihugu yatangiye umukino neza irushanwa ku buryo bugaragara Patriots abakinnyi Isaiah Miller na Shema Osebon batsinda amanota menshi.

Bidatinze agace ka mbere karangiye APR BBC iyoboye umukino n’amanota 29 Kuri 17 ya Patriots

Mu gace ka kabiri, Patriots yagarutse yahinduye imikinire itangira kugabanya ikinyuranyo cy’amanota ndetse igikuramo ijya imbere ya APR BBC amanota (37-35) ibifashijwemo na Ndizeye Diedonnee, APR BBC yongeye kujya imbere ibifashijwemo na Ntore Habimana na Shema Osebon.

Amakipe yombi yagiye kuruhuka APR BBC iyoboye umukino n’amanota 48 kuri 43 ya patriots BBC.

Mu gace ka gatatu, APR BBC yakomeje kongera amanota ibifashijwemo na Isaiah Miller wagize umukino mwiza hamwe Axel Mpoyo.

Aka gace karangiye APR BBC iri mbere n’amanota 75 kuri 59 ya Partiots.

Mu gace ka nyuma, APR BBC yakomeje kongera amanota ibifashijwemo na Nshobozwabyosemukiza Jean Jacques Wilson na Axel Mpoyo.

Umukino warangiye APR FC itsinze Patriots BBC amanota 91-70 ibona itike yo gukina umukino wa nyuma wa Rwanda cup 2024.

Umukino wabanje REG BBC yatsinze Espoir BBC amanota 98-72 ikatisha itike yo gukina umukino wa nyuma.

Umukino wa nyuma hagati ya REG BBC na APR BBC uzaba ku wa Gatanu tariki 9 Kanama 2024 Kuri Lcyee de Kigali.

Ikipe izegukana igikombe izahagararira u Rwanda mu mikino y’amakipe y’Akarere ka 5.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27