Nyamasheke: Ndayisabye ufite ubumuga bw’ingingo yiteje imbere anatanga akazi

Nyamasheke: Ndayisabye ufite ubumuga bw’ingingo yiteje imbere anatanga akazi

Ndayisabye Fidèle wavukanye ubumuga bw’ingingo, agakurira mu buzima bugoye, avuga ko yabashije kubwikuramo, ubu akaba akoresha abakozi 2 ahemba ku kwezi amafaranga y’u Rwanda 70 000.

Uwo musore w’imyaka 27, yavukiye mu Murenge wa Nkungu, Akarere ka Rusizi, atuye mu Kagari ka Ntendezi, Umurenge wa Ruharambuga, Akarere ka Nyamasheke, akora inkweto akanazicururiza kuri santere y’ubucuruzi ya Ntendezi.

Asobanura ko kubera ko yavukanye ubumuga yatereranywe n’umuryango, gusa nyuma aza kugira amahirwe ku myaka 7 yagize amahirwe ahura n’umukecuru Mukandariyo Therese witeguraga gushinga ikigo cyita ku bana bafite ubumuga i Ntendezi mu Karere ka Nyamasheke cyitwa ‘Ngwino nawe’ aramutwara, mu 2003 amushakira igare agendamo, amushyira mu ishuri yumva ubuzima butangiye kugaruka.

Nyuma ubuzima yaje kubukomereza mu Muryango witwa Rwanda Action wahashinze ikigo cyitwa Alvéra center yitabwaho n’uwakiyoboraga, amushakira ishuri mu Karere ka Huye aho yize gukora inkweto mu mpu.

Ati: “Mbirangije, nagarutse muri 2021, bampa ibikoresho, ntangira kwihangira umurimo. Ubu nkora inkweto nkazicuruza. Inzu nkoreramo nyishyura 30 000 ku kwezi, iyo mbamo nkayishyura 25 000 kuko numvise ntakomeza gukora mba mu kigo kandi ntangiye kubona ubuzima.

Nkoresha abakozi 2 mpemba 70 000 ku kwezi bombi, ngasagura nibura amafaranga 100 000 antunga nkanizigamira.’’

Ndayisabye akomeza avuga ko yahembwe muri ‘Youth Connect Award’ kubera ubuhanga yagaragaje mu byo akora, bimufasha kwagura ibikorwa bye.

Ati: “Mu minsi ishize habayeho amarushanwa yiswe’ Youth connect Award’ ayajyamo, yerekana ubuhanga bwe, aratsinda ahembwa 1 000 000 y’amafaranga yamwaguriye imikorere.”

Yongeyeho kandi ko hari ibyo akesha uwo mwuga ndetse ko ateganya kubaka.

Ati: “Mu myaka 3 gusa maze nkora, niguriye ikibanza cy’arenga 1 000 000 hafi y’umujyi wa Rusizi. Mfite inka ndanywa amata, nkagira ingurube 2 n’inkoko 3, nkanitegura kuzarushinga maze kubaka.”

Ndayisabye Fidele yishimira akazi akora n’icyo yungukamo
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27