Jason Derulo yivugira ko yasogongeye ku rupfu

Jason Derulo yivugira ko yasogongeye ku rupfu

Umuhanzi w’Umunyamerika Jason Derulo avuga ko kimwe mu bintu atazibagirwa mu buzima ari uburyo yasogongeye ku rupfu.

Yabitangaje ku mugoroba w’itariki 04 Nyakanga 2024 ubwo yakoraga ikiganiro avuga ko atazigera yibagirwa umwaka wa 2013 kuko ari bwo yumvise uko ubuzima bw’umuntu burangira.

Mu magambo ye yagize ati: “Sinjya na rimwe nibagirwa uko nasogongeye ku rupfu mu mwaka 2013, ubwo navunikaga ijosi ndi mu nzu ikorerwamo imyitozo ngororamubiri (Gym).”

Yongeraho ati: “Umutoza yarambwiye ati uyu munsi ndashaka ko dukorera mu kwihangana, nuko dutangira gukora duteranye imigongo twegamanyeho, tukiri gukora uwo mwitozo mvunika akagufa kava mu mugongo kazamuka mu ijosi ibintu bibabaza cyane.”

Uyu muhanzi avuga ko icyo gihe yari mu myiteguro yo kuzenguruka mu bihugu byo hirya no hino ku Isi, mu rugendo rwo kumenyekanisha umuziki we.

Ati: “Bikimara kuba numvise ijosi riremereye nyoberwa ibibaye, ndavuga nti ibi ni ibiki? Ni uku ubuzima bw’umuntu burangira mu gihe gito? Nta gihe kindi ndumva uburibwe numvise icyo gihe.”

Jason Derulo uri mu bakunzwe, aherutse gusabwa na mugenzi we uri mu bari kubica bigacika mu Karere k’Afurika y’Iburasirazuba Diamond Platinumz ko bazakorana indirimbo kuko asazwe amufana, ibyo uyu muhanzi atazuyaje kwemera kuko yahise amubwira ko yiteguye, ahubwo Diamond agomba kumugezaho umushinga w’indirimbo yifuza ko bazakorana.

Jason Darulo amenyerewe ku ndirimbo zitandukanye zirimo Acapulco, Nu King, So many hearts, Swalla n’izindi.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27