Eric Omondi yasabye uwaba yarabyaranye na Fred Omondi kuzana umwana

Eric Omondi yasabye uwaba yarabyaranye na Fred Omondi kuzana umwana

Umunyarwenya Eric Omondi wo mu gihugu cya Kenya yasabye umuntu wese waba warabyaranye n’umuvandimwe we na we wakoraga urwenya, Fred Omondi uherutse kwitaba Imana ko yazana umwana akarererwa mu bandi.

Yabigarutseho ku wa Gatanu tariki ya 28 Kamena 2024, ubwo habaga ibirori byo kwizihiza ubuzima bw’uyu munyarwenya hamwe n’igitambo cya misa yo kumusabira yabereye ku rusengero rwa Chiromo, ari nako bahana ijambo bamuvugaho nk’abantu babanye nawe akiri muzima.

Mu ijambo rya Eric Omondi yasabye umuntu wese waba afite umwana w’umuvandimwe we kujya imbere akabivuga mu muryango bikamenyekana.

Ati: “Umuntu wese waba yarabyaranye na Fred bikaba bitazwi, ndamusabye yigire imbere azane umwana tumurerane n’abandi, kugeza ubu hamaze kuboneka babiri bageze mu rugo kandi basa na Papa wabo, gusa na none abo bana bagomba kuba basa na Fred Omondi.”

Nubwo bimeze bityo ariko, mu biganiro yagiye akora akiri muzima, Fred Omondi yavugaga ko afite umwana umwe w’umukobwa.

Ubwo yari kuri Switch Tv yagize ati: “Nishimiye ko mfite umwana witwa uwanjye, mfite umwana w’umukobwa mwiza cyane, ni umumalayika yitwa Arielle.”

Eric Omondi yashimiye cyane Abanyakenya baje kwifatanya na bo mu gusezera umuvandimwe wabo Fred Omondi. Biteganyijwe ko umunyarwenya Fred Omondi uheruka kwitaba Imana azize impanuka yo mu muhanda, azashyingurwa ku wa Gatandatu tariki 29 Kamena 2024.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27