Rubavu: Abafite ubumuga bw’uruhu bashishikarijwe kwitinyuka

Rubavu: Abafite ubumuga bw’uruhu bashishikarijwe kwitinyuka

Umuyobozi w’Akarere ka Rubavu wungirije ushinzwe imibereho myiza y’Abaturage Ishimwe Pacifique yifatanyije n’abafatanyabikorwa batandukanye kwizihiza Umunsi Mpuzamahanga w’abafite ubumuga bw’uruhu abashishikariza kwitinyuka.

Yashishikarije abafite ubumuga bw’uruhu kwitinyuka kuko bashoboye.

Yagize ati: “Kugira ubumuga bw’uruhu rwera ntibivuze ko ntacyo mushoboye. Mushishikarire gukora cyane icyo mushoboye, mwitinyuke kuko kugira ubumuga si ukubura ubushobozi.”

Ishimwe yasabye ababyeyi gufasha abana, bakakirwa neza, bagakundwa ntibahabwe akato ku mpamvu z’ubumuga bavukanye.

Yashimiye abafatanyabikorwa, Hand in Hand for Development na Health Alert Organization, baba hafi abafite ubumuga bw’uruhu bahabwa ubuvuzi butandukanye, basuzumwa indwara z’uruhu harimo na kanseri, bagahabwa n’amavuta abafasha kwihanganira izuba, no guhangana n’ihungabana ku babyeyi n’imiryango riterwa n’ubu bumuga.

Hatanzwe ibikoresho by’ishuri ku banyeshuri n’amavuta yo kurinda uruhu, kandi abo bafatanyabikorwa batangaje ko mu minsi mike, amavuta afasha kurinda uruhu ku bafite ubumuga bw’uruhu, azagezwa mu mavuriro yose y’Akarere ka Rubavu, kugira ngo abayakenera bayabone hafi yabo.

Umwe mu bafite ubumuga bw’uruhu yashimiye Akarere n’abafatanyabikorwa babitaho, bakabasha amavuta afasha uruhu rwabo n’ibindi bikabafasha mu mibereho yabo ya buri munsi.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27