Amerika igiye gukaza amategeko y’abimukira baca muri Mexique

Amerika igiye gukaza amategeko y’abimukira baca muri Mexique

Ibitangazamakuru bitandukanye byo muri Amerika bitangaza ko uyu munsi ku wa Kabiri, Prezida Joe Biden ashyiraho ingamba zikarishye ku bimukira bagera ku butaka bwa Amerika baciye muri Mexique.

Ingingo Biden ashobora gutangaza, zirimo itegeko ritanga uburenganzira bwo gusubiza inyuma abimukira bose binjiye muri Amerika baciye ku ruhande rwa Mexique, mbere y’uko basobanura impamvu bahungiye muri Amerika.

Bitegenyijwe ko Biden atangariza izo ngingo mu nama iza kubera ku biro bye, White House, ikaba iza kuba irimo na ba Guverineri ba za Leta zegeranye na Mexique.

Ibiro bya perezida wa Amerika byanze kugira icyo bivuga kuri iyi makuru yemezwa n’ibitangazamakuru bitandukanye byo mu gihugu n’ibindi bitangazamakuru mpuzamahanga.

Ikibazo cy’abimukira binjira ku butaka bwa Amerika baciye ku ruhande rwa Mexique, kiri mu byo Biden akoresha mu guhatana na Donald Trump, amushinja ko byamunaniye gushakira umuti.

Imibare yerekana ko abimukira baca ku mipaka Amerika ihana na Mexique yiyongereye cyane ku butegetsi bwa Biden. Mu 2023, abimukira binjiye baciye kuri iyi mipaka basaga miliyoni 2.4.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27