Abarimo Juma Jux bategerejwe i Kigali mu mikino isoza BAL 2024

Abarimo Juma Jux bategerejwe i Kigali mu mikino isoza BAL 2024

Abarimo ibyamamare nka Jumma Jux w’umunyatanzaniya ndetse n’umuraperi wo muri Amerika Doe Boy bategerejwe mu Rwanda, aho bazaba bitabiriye umukino usoza imikino ya BAL 2024.

Jumma Jux azwi cyane kandi akunzwe muri Tanzania, aho byaje kurenga imbibi z’Igihugu cye ubwo yakoranaga indirimbo na Diamond Platinumz yitwa Enjoy imaze kuzuza miliyoni 79 z’abayirebye itaramara umwaka.

Ntabwo ari Jumma Jux uzagaragara gusa mu gusoza umukino usoza irushanwa rya BAL 2024, kuko n’umuraperi ukomoka muri Leta zunze ubumwe z’Amerika Doe Boy  azaba ari muri Kigali Arena kuri uwo munsi.

Doe Boy azwi cyane mu ndirimbo yakoranye n’abaraperi batandukanye zirimo iyitwa Most wanted yakoranye n’umuraperi Future, Way too long, Kardashians, Respectfully, Pre Skool n’izindi zitandukanye.

Biteganyijwe ko habonetse umwanya aba bombi bazasusurutsa abitabiriye umukino wa nyuma.

Imikino ya BAL ikomeje kurangwa n’ubudasa aho abahanzi batandukanye bagaragaye basusurutsa abitabiriye iyi imikino, ndetse urutonde rw’uko bagiye basimburana basusurutsa rwasohotse mbere gato y’uko itangira, aho kuri uyu wa 29 Gicurasi 2024 abari batahiwe mu gususurutsa barimo Kevin Kade ndetse na Ish Kevin.

Mu gihe kandi Mugisha Benjamin uzwi nka The Ben ari mu bategerejwe bazataramira abazitabira umukino usoza BAL 2024 uzaba tariki 01 Kamena uzahuza Al ahly ly yo muri Libya na Petro de Luanda yo muri Angola. 

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27