Umunsi nk’uyu Inkotanyi zafashe Umujyi wa Nyanza

Umunsi nk’uyu Inkotanyi zafashe Umujyi wa Nyanza

Umunsi nk’uyu mu 1994, Ingabo za FPR Inkotanyi zakomeje urugamba ariko zigenda zifata uduce tunyuranye tw’igihugu zinarokora Abatutsi bicwaga.

Icyo gihe ni bwo izi ngabo zafashe umujyi wa Nyanza wahoze muri Perefegitura ya Butare. Inkotanyi zakomeje kugenda zirokora abantu ahantu hatandukanye bari bihishe ari na ko zikomeza gusatira Perefegitura ya Gitarama.

Ku rundi ruhande, abanyeshuri mu mu Ishuri ry’ubuhinzi, ubworozi n’ubuvuzi bw’amatungo, EAV Kabutare barishwe. Iri shuri ryayoborwaga n’umuhungu wa Gitera watanze amategeko 10 y’Abahutu.

Uko Inkotanyi zahashyaga umwanzi ni na ko benshi mu basirikare ba FAR bagendaga baziyoboka.

Nka tariki ya 27 Gicurasi 1994, Abasirikare bakomeye ba FAR barimo Maj Gatarayiha bitandukanyije na yo basanga FPR. Uyu yarokoye Abatutsi benshi muri Rwamagana. Icyo gihe ni bwo Cpt. François Munyurangabo yafashe indege yari iya Leta y’ u Rwanda ayijyana i Nairobi maze atangaza ko asanze FPR.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27