Amarangamutima ya Bruce Melodie ku isabukuru y’umukobwa we

Amarangamutima ya Bruce Melodie ku isabukuru y’umukobwa we

Umuhanzi ukunzwe mu Rwanda ndetse no mu Karere Itahiwacu Bruce, uzwi nka Bruce Melodie, mu masaha akuze ya tariki 12 Gicurasi 2024, yagaragarije abakunzi be ibyishimo atewe no kuba imfura ye yujuje imyaka icyenda y’amavuko.

Uwo muhanzi ahagana saa tanu z’ijoro yanyarukiye ku rukuta rwe rwa Instagram ashyiraho ifoto y’umutsima agaragaza ibyishimo atewe no kuba imfura ye yujuje imyaka icyenda, byishimirwa na benshi mu bamukurikira biganjemo ibyamamare byamugaragarije ko bamwishimiye.

Mu butumwa Bruce Melodie yashyize ahagaragara yagize ati “Kwizihiza imyaka icyenda yuzuye ibitangaza n’umukobwa wacu utangaje, Isabukuru nziza y’ibyishimo Sweatheart.”

Nyuma ni bwo abiganjemo ibyamamare n’abanyamakuru batangiye kohereza ubutuma bugufi, bifuriza ibyiza uwo mwana, barimo Passy Kizito, umubyinnyi General Benda n’abandi.

Imfura ya Bruce Melodie yibarutswe tariki ya 12 Gicurasi 2015, aho atahise abyemerera itangazamakuru, nubwo yabibazwagaho kenshi aza kubyemeza tariki 16 Gicurasi 2015, aho yasobanuye ko icyamuteye kubanza kubihakana ari uko atari yakabonye igihe gikwiye kandi gihagije cyo kubivugaho, ahita yemeza ko ari byo koko kuri iyo tariki yibarutse umwana w’umukobwa mwiza witwa Itahiwacu Britta.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27