Volley: Amakipe azakina Play-offs za Shampiyona yamenyekanye

Volley: Amakipe azakina Play-offs za Shampiyona yamenyekanye

Amakipe ya Police, REG, Kepler na APR VC yabonye itike yo gukina Play-offs za Shampiyona y’icyiciro cya mbere muri Volleyball y’Abagabo nyuma yo gusoreza mu myanya ine ya mbere.

Imikino y’umwaka w’imikino usanzwe yashyizweho akadomo mu mpera z’icyumweru, tariki ya 4 n’iya 5 Gicurasi 2024 mu Karere ka Gisagara.

Ku wa 4 Gicurasi 2024, Gisagara VC yatsinze KVC amaseti 3-0, Police VC itsinda IPRC Musanze 3-0, Kirehe VC itsindwa na APR 3-1 mu gihe REG yatsinze IPRC Ngoma amaseti 3-1.

Bukeye bwaho, REG yashimangiye umwanya wa kane itsinda KVC amaseti 3-0, Kirehe itsinda IPRC Musanze 3-1, EAUR itsindwa na IPRC Ngoma 3-2, Kepler itsinda APR 3-0 mu gihe Police VC yatsinze Gisagara 3-2.

Nyuma y’imikino y’ibice bibiri byakinwe, REG VC yasoreje ku mwanya wa mbere n’amanota 44, iyanganya na Police VC. Kepler VC ifite amanota 43 ku mwanya wa gatatu mu gihe APR VC yabaye iya kane n’amanota 40.

Aya makipe ane ya mbere ni yo azakina Play-offs guhera mu mpera z’icyumweru, tariki ya 11-12 Gicurasi, aho Police VC izahura na Kepler VC naho REG VC ikisobanura na APR VC.

Muri iyi mikino, ikipe izagera ku mukino wa nyuma ni izaba yitwaye neza muri itanu izakinwa.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27