Basketball: Ibyo wamenya ku irushanwa rishya rya “Rwanda Cup”

Basketball: Ibyo wamenya ku irushanwa rishya rya “Rwanda Cup”

Ishyirahamwe ry’Umukino wa Basketball mu Rwanda “FERWABA” ryatangije irushanwa rishya ryiswe “Rwanda Cup” rizajya rikinwa n’amakipe yo mu cyiciro cya Mbere n’icya kabiri mu bagabo n’abagore.

İri rushanwa ni umwe mu myanzuro yavuye mu Nama y’Inteko Rusange ya FERWABA yateranye tariki ya 16 Ukuboza 2023.

Mu kiganiro n’Abanyamakuru cyabaye kuri uyu wa Gatanu tariki ya 26 Mata 2024 Visi Perezida wa FERWABA, Nyirishema Richard, yavuze ko iri rushanwa rizafasha kongera umubare w’imikino amakipe asazwe akina mu mwaka w’imikino.

Yagize ati: “Iri rushanwa rije kongera umubare w’imikino amakipe asazwe akina kuko nubwo dufite umwaka w’imikino umara amezi icyenda usanga imikino ya shampiyona idahagije kubera imyanya y’ikiruhuko myinshi, ikindi rizadufasha kongera abafatanyabikorwa kubera ko tuzaba dufite imikino myinshi ya Basketball.”

Mu bagabo iri rushanwa rya ‘’Rwanda Cup’’ rizitabirwa n’amakipe 21 yo mu cyiciro cya mbere n’icya kabiri agabanyije mu matsinda ane.

Itsinda A: Kigali Titans BBC, kepler BBC, Flame BBC, RP IPRC Musanze BBC na EAUR BBC

Itsinda B: Tigers BBC, The HOOPS BBC, Rebero Academy na Greater Virunga

Itsinda C: UGB, Intare, Black Thunders na Igihozo St Peter

Itsinda D: Inspired Generation, Azomco, UR Kigali na ITS Kigali.

Amakipe ane azayobora buri tsinda ni yo azakina imikino ya ¼ n’amakipe ane ya mbere mu mwaka ushize w’imikino ayo ni APR BBC, Patriots BBC, REG BBC na Espoir BBC.  

Mu bagore iri rushanwa rizakinwa n’amakipe icyenda agabanyije mu matsinda abiri.

Itsinda A: APR W BBC, RP IPRC Huye na EAUR BBC

Itsinda B: REG BBC, The Hoops Rwanda, UR Kigali na Kepler BBC.

Muri iki cyiciro amakipe abiri ya mbere muri buri tsinda ni yo azakina imikino ya ¼ cy’irangiza.

Ikipe izaryegukana mu bagabo izajya ihagararira u Rwanda mu mikino y’Akarere ka gatanu iziwi nka ‘’Vone 5’’, iyi kipe kandi izajya ihura n’iyatwaye Igikombe cya Shampiyona muri “Rwanda Super Cup”, mu bagabo n’abagore igikombe gishya nacyo cyashyizweho.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27