Indoneziya: Kuruka kw’ikirunga kwatumye ikibuga cy’indege gifungwa

Indoneziya: Kuruka kw’ikirunga kwatumye ikibuga cy’indege gifungwa

Abayobozi ba Indoneziya batangaje ko hafunzwe ikibuga cy’indege Mpuzamahanga cya Kota Kinabalu n’icya Tawau ndetse n’abaturage barimurwa kubera ibimenyetso by’uko ikirunga cya Mount Ruang gishobora kuruka.

Kuri uyu wa Kane, tariki ya 18 Mata byavuzwe ko igihe cyose umwotsi mwinshi w’iki kirunga wakwerekeza mu kirere ukabangamira ingendo z’indege. 

Ikinyamakuru The Star cyatangaje ko ejo ku wa Gatatu, hagaragaye umuriro ndetse n’umwotsi mwinshi mu kirere byatumye abantu bo mu Majyaruguru ya Sulawesi bagira ubwoba.

Abantu barenga 800 bavanywe muri ako gace, nyuma yuko Ikigo gishinzwe ibirunga kibitangaje.

Umuyobozi w’icyo kigo Heruningtyas Desi Purnamasari yabwiye abanyamakuru ko ibiturika bishobora kuba byinshi bityo ko abantu bagomba kuba maso.

Uyu muyobozi yavuze kandi ko iki kigo cyakiriye amakuru avuga ko ibyarutswe n’ikirunga byangije inzu ndetse bituma n’ibitaro bihegereye byimuka.

Abdul Muhari, Umuvugizi w’ikigo gishinzwe kurwanya ibiza, yatangaje ko abayobozi barimo kwimura abaturage benshi, bamwe bo mu kirwa cy’abaturanyi cya Tagulandang kandi ko abagera ku 1 500 bari mu bice byashyira ubuzima bwabo mu kaga gakomeye bagomba guhita bimurwa.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27