CAR: Amb. Kayumba yifatanyije n’Ingabo z’u Rwanda mu Kwibuka 30

CAR: Amb. Kayumba yifatanyije n’Ingabo z’u Rwanda mu Kwibuka 30

Ku wa 11 Mata 2024, Ambasaderi w’u Rwanda muri Repubulika ya Santarafurika (CAR) Kayumba Olivier, yifatanyije n’ingabo zoherejwe ku bufatanye bw’ibihugu byombi mu gikorwa cyo kwibuka ku nshuro ya 30 Jenoside yakorewe Abatutsi mu 1994.

Ni igikorwa cyabareye ku birindiro by’ingabo z’u Rwanda bya M’poko mu Mujyi Bangui, Umurwa Mukuru wa Santarafurika.

Mu ijambo yagejeje ku bitabiriye icyo gikorwa cyo kwibuka, Amb. Kayumba yagaragaje akamaro ko kuzirikana ku rugendo rwo kwiyubaka  u Rwanda rwanyuzemo mu myaka 30 ishize.

Yasabye urubyiruko n’abakiri bato gukomeza gusigasira ibyagezweho, ubudaheranwa no kwimakaza ubumwe, nk’uko bimaze imyaka 30 byubakwa.

Umuyobozi w’Ingabo zoherejwe muri Santarafurika ku bufatanye bw’ibihugu byombi Col. Gahima Alphonse, yagaragaje akamaro ko guhindura imyumvire y’abaturage no kurengera ikiremwamuntu mu gukumira ikwirakwizwa ry’ingengabitekerezo ya Jenoside.

Icyo gikorwa cyo kwibuka cyitabiriwe n’Abanyarwanda baba muri Santarafurika ndetse n’inshuti z’u Rwanda.

Ni igikorwa kije gikurikira icyabane cyakozwe n’ingabo z’u Rwanda zoherejwe mu butumwa bw’Umuryango w’Abibumbye bwo kubungabunga amahoro muri Santarafurika (MINUSCA) ku ya 7 Mata ubwo hatangizwaga icyumweru cy’Icyunamo n’iminsi 100 yo kwibuka ku nshuro ya 30 Jenoside yakorewe Abatutsi.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27