Kwibuka 30: Kongere y’Abayuhudi ku Isi yifatanyije n’Abanyarwanda kwibuka

Kwibuka 30: Kongere y’Abayuhudi ku Isi yifatanyije n’Abanyarwanda kwibuka

Kongere y’Abayahudi ku Isi (WJC), yatangaje ko yifatanyije n’Abanyarwanda Kwibuka ku nshuro ya 30 Jenoside yakorewe Abatutsi mu 1994.

WJC ni Umuryango mpuzamahanga uhagarariye Abayahudi bo bihugu, Guverinoma, Inteko Ishinga Amategeko n’imiryango mpuzamahanga byo mu bihugu 100 byo ku Isi.

Mu itangazo ryashyizwe ahagaragara kuri uyu wa Gatandutu tariki ya 6 Mata 2024, WJC yagaragaje ko bifatanyije n’Abanyarwanda mu bikorwa byo kwibuka ku nshuro ya 30 Jenoside yakorewe Abatutsi mu 1994.

WJC yagize iti: “Kongere y’Abayahudi ku Isi, mu izina ry’imiryango y’Abayahudi mu bihugu 100 byo hirya no hino ku Isi. Twifatanyije n’Abanyarwanda kwibuka ku nshuro ya 30 Jenoside yakorewe Abatutsi mu 1994.

Ibitekerezo byacu byereke ku bantu bose bashegeshwe n’amateka ashaririye banyuzemo abo ni inzirakarengane, abarokotse n’ababakomokaho. Duhaye icyubahiro ababuze ubuzima kandi tunakomeza abarokotse”.

Bongeyeho bati: “ Ku Isi haracyagaragara abahakana n’abapfobya Jenoside. Umuryango mpuzamahanga ugomba gushyira hamwe mu kwirinda iryo curaburindi. Kongere y’Abayahudi ku Isi, ihagurutse ishize amanga mu kwamagana urwango n’ubugome uko bwaba bumeze kose n’aho byagaragara hose mu gihe kiri imbere.

Twese hamwe twifatanyije n’Abaturage b’u Rwanda, nka Kongere y’Abayuhudi ku Isi mu guharanira ko bitazongera na rimwe ukundi.”

WJC yatangaje ibyo, mu gihe abayobozi mu bihugu bitandukanye bakomeje kugera mu Rwanda bitabiriye gutangiza ibikorwa byo kwibuka ku nshuro ya 30 Jenoside yakorewe Abatutsi mu 1994, bizatangira ku munsi w’ejo tariki ya 7 Mata 2024.

Mu bayobozi bamaze kugera mu Rwanda harimo Perezida wa Czech Petr Pavel, Perezida wa Madagascar Andry Rajoelina, Minisitiri w’Intebe wa Ethiopia Abiy Ahmed, Perezida wa Mauritania Mohamed Ould Ghazouani ndetse na Perezida wa Sudani y’Epfo, akaba n’Umuyobozi Mukuru w’Umuryango w’Afurika y’Iburasirazuba (EAC) Salva Kiir.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27