Diamond Platinumz yanyuzwe n’uko indirimbo ye yujuje miliyoni 70 z’abayirebye

Diamond Platinumz yanyuzwe n’uko indirimbo ye yujuje miliyoni 70 z’abayirebye

Umunyamuziki Naseeb Abdul Juma Issack uzwi nka Diamond Platnumz abinyujije ku mbuga nkoranyambaga ze yagaragaje ibyishimo byo kunyurwa n’uko indirimbo Enjoy yafatanyije n’uwitwa Jux yujuje miliyoni 70 z’umubare w’abayirebye mu gihe cy’amezi 7 gusa, ishyizwe ahagaragara.

Diamond yashimiye byimazeyo abakunzi b’ihangano bye kuko ari bo batuma arushaho kugera kure abasaba kurushaho.

Mu butuma yashyize ku mbuga nkoranyambaga ze mu gitondo cyo kuri wa 5 Mata 2024, uyu muhanzi yashimiye abakunzi be n’abamukurikira.

Yagize ati: “Miliyoni 70 mu mezi 7 gusa! Ntewe ishema na byo, mwarakoze cyane bantu banjye, mureke twuzuze miliyoni 100 mu mwaka umwe.”

Ni intambwe yishimiwe n’abatari bake, ariko kandi haboneka n’abandi bamushinja kurya wenyine amafaranga.

Indirimbo Enjoy ni indirimbo Diamond Platinumz yafatanyije na Juma Mussa Mkambala uzwi nka Jux, akaba na we ari umuhanzi wo muri Tanzania.

Uretse Enjoy Diamond azwi no mu zindi ndirimbo zirimo Mtasubiri yafatanyije na Zuchu, Why yafatanyije na The Ben n’izindi.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27