Kuri Pasika, Papa Francis yasabye guhagarika imirwano muri Gaza

Kuri Pasika, Papa Francis yasabye guhagarika imirwano muri Gaza

Papa Francis yongeye  gusaba ko imirwano yahagarara muri  Gaza ndetse bidatinze hakarekurwa imfungwa zose za Isiraheli zafashwe bugwate.

Papa yabitangarije mu ijambo ryo kwizihiza igitaramo cya Pasika cyabereye mu Kiliziya cya Mutagatifu Petero (St Peter) kuri iki Cyumweru.

Yavuze ko Gaza yahabwa ubufasha bwose bugenewe ikiremwamuntu, kandi ahamagarira ko ingwate  zafashwe  ku ya 7 Ukwakira 2023 zirekurwa ndetse imirwano igahagarara muri ako karere.

Ati: “Ntidukomeze kwemera ko imirwano ikomeza kugira ingaruka  ku baturage, mbega imibabaro tubona mumaso y’abana! Abana bibagiwe kumwenyura. Baratubaza bati: Kuki hahoraho urupfu?”

Papa yongeyeho ko intambara ari ubuswa ndetse no gutsindwa.

Mu ntangiriro z’uku kwezi, Ishami ry’Umuryango w’Abibumbye ryita ku Bana (UNICEF) ryatangaje ko Isiraheli yishe abana barenga 13.000 muri Gaza kuva intambara yatangira ku ya 7 Ukwakira, mu gihe abandi bafite ibibazo by’imirire mibi.

Papa Francis yavuze ko mu bihe by’intambara abana bibagiwe kumwenyura, asaba abatuye Isi gufasha abababajwe n’ibibazo byo kubura ibiribwa ndetse n’ingaruka z’imihindagurikire y’ibihe.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27