Afurika y’Epfo: Impanuka y’imodoka yahitanye abaturage 45 ba Botswana

Afurika y’Epfo: Impanuka y’imodoka yahitanye abaturage 45 ba Botswana

Ishami rishinzwe gutwara abantu n’ibintu muri Afurika y’Epfo ryatangaje ko abaturage 45 ba Botswana baguye mu mpanuka y’imodoka yabereye muri iki gihugu ubwo bari baje mu biruhuko bya Pasika.

Iyi mpanuka yabaye ku wa Kane ubwo abaturage ba Botswana berekezaga mu Majyaruguru ya Limpopo mu birukuho bya Pasika yarokotswe n’umwana w’umukobwa w’imyaka umunani wahise wihutanwa ku bitaro.

Ikinyamakuru News 24 cyatangaje ko kuri uyu wa Gatanu habonetse imibiri y’abantu 34 mu gihe abandi bagishakishwa.

Abayobozi bo muri Afurika y’Epfo bavuze ko umushoferi yataye icyerekezo agwa munsi y’ikiraro mu misozi ya Mamatlakala, ku bilometero 300 mu majyaruguru ya Johannesburg.

Minisitiri w’ubwikorezi Sindisiwe Chikunga, yihanganishije abaturage ba Botswana yizeza ko Afurika y’Epfo ikora ibishoboka ngo basubizwe mu gihugu cyabo ndetse bashyingurwe mu cyubahiro.

Ikinyamakuru Aljazeera cyatangaje ko Perezida  Cyril Ramaphosa yahaye  ubutumwa bw’akababaro Botswana ndetse anizeza inkunga.

Amasaha make mbere y’impanuka, Ramaphosa yari yasabye Abanyafurika y’Epfo kwitondera imihanda muri ibi biruhuko bya Pasika.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27