Nyarugenge: Serivisi umuturage ahabwa ni uburenganzira bwe (Amafoto)

Nyarugenge: Serivisi umuturage ahabwa ni uburenganzira bwe (Amafoto)

Mu Karere ka Nyarugenge mu Mujyi wa Kigali harabera imurikabikorwa ry’Abafatanyabikorwa (JADF) mu iterambere ry’Akarere ka Nyarugenge. Ni imurikabikorwa ry’iminsi itatu aho ryatangiye kuva tariki 27 Werurwe 2024.

Ubwo hatangizwaga imurikabikorwa ku mugaragaro ku gicamunsi cy’ejo ku wa Kane ahazwi nko ku Imbuga City Wolk hagaragajwe ko umuturage guhabwa serivisi biri mu burenganzira bwe.

Imurikabikorwa mu Karere ka Nyarugenge ryitabiriwe n’ubuyobozi bw’Umujyi wa Kigali, Urwego rw’Ubugenzacyaha, abafatanyabikorwa mu iterambere ry’Akarere ndetse n’abatuye Akarere ka Nyarugenge.

Insanganyamatsiko igira iti: ‘Umuturage ku Isonga: Serivisi uhabwa ni uburenganzira bwawe’.

Meya w’Umujyi wa Kigali, Dusengiyumva Samuel, yavuze ko imurikabikorwa rigamije kugaragariza abatuye Umujyi wa Kigali by’umwihariko Akarere ka Nyarugenge serivisi n’ibikorwa bitandukanye by’inzego za Leta, imiryango itari iya Leta, ibigo by’imari n’iby’ubucuruzi, ibigo by’ubwishingizi, Amakoperative n’abandi.   

Yashimiye abafatanyabikorwa uruhare bagira mu gushyigikira gahunda za Leta zitandukanye zigamije iterambere n’imibereho myiza y’abatuye Umujyi wa Kigali.

Kamali Geofrey witabiriye imurikabikorwa yabwiye Imvaho Nshya ko hari serivisi yasobanuriwe zitangirwa mu Karere ka Nyarugenge.

Ikindi ngo yarushijeho kumenya ibyo abafatanyabikorwa barimo Haguruka, ibyo Umushinga Tunose Gusoma uterwa inkunga na USAID ukora n’ibindi.

Agira ati: “Namenye icyo umushinga Tunoze Gusoma ugamije, Haguruka, serivisi zitangwa rw’Urwego rw’Ubugenzacyaha, imikorere ya Rwanda Women’s Network n’abandi bafatanyabikorwa, muri make namenye icyo abafatanyabikorwa bamariye umuturage wa Nyarugenge.”

Abafatanyabikorwa mu Iterambere ry’Akarere ka Nyarugenge (JADF) bamuritse ibikorwa binyuranye birimo iby’ubukorikori, ubugeni, imideri, ibijyanye na serivisi n’ibindi. Biteganyijwe ko Imurikabikorwa ry’Abafatanyabikorwa ba Nyarugenge rirangira kuri uyu wa Gatanu tariki 29 Werurwe 2024.

Amafoto: Nyarugenge

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27