Senegal: Umukandida Bassirou Diomaye Faye ari imbere mu majwi

Senegal: Umukandida Bassirou Diomaye Faye ari imbere mu majwi

Abashyigikiye umukandida Bassirou Diomaye Faye, batangiye kubyina intsinzi mu murwa mukuru i Dakar, kuko kugeza ubu niwe uri imbere y’abandi 19 bahatanye mu matora y’Umukuru w’Igihugu.

Ikinyamakuru Africanews cyatangaje ko ibihumbi amagana bashyigikiye Faye buzuye mu mihanda y’umurwa mukuru uhereye ejo ku Cyumweru bishimira intsinzi ye.

Umwe mu batoye yagize ati: “Iyi ni intsinzi y’abaturage ba Senegal, abaturage bahisemo gushyira igeno ryabo mu maboko ye. Ubu ndabona ko Senegal ikiri igihugu kigendera kuri demokarasi, kigengwa no kugendera ku mategeko, iyi ntabwo ari intsinzi ya Diomaye Faye ahubwo ni intsinzi ya Senegal.”

Nubwo aba batangiye kwishimira intsinzi ariko uwahoze ari Minisitiri w’Intebe, Amadou Ba, umukandida w’ishyaka riri ku butegetsi, yavuze ko igihe cyo kwishima kitaragera kuko ibyavuye mu matora bitaratangazwa burundu. 

Amatora yabaye ejo ku Cyumweru tariki ya 24 Werurwe 2024, yaranzwe no gutora mu ituze nyuma y’imyigaragambyo yabaye mu gihugu ubwo   Perezida Mack Sall yigizaga imbere amatariki y’amatora.

Aya matora yitabiriwe n’abarenga miliyoni 7 bari kuri lisite y’itora bakaba baratoye mu bwisanzure.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27