Haiti: Minisitiri w’intebe Ariel Henry yeguye

Haiti: Minisitiri w’intebe Ariel Henry yeguye

Minisitiri w’Intebe wa Haiti Ariel Henry, yeguye ku mwanya we nyuma y’igitutu cy’abayobozi ndetse n’udutsiko tw’amabandi.

The East African yatangaje ko Henry yaheze muri Porto Rico nyuma yo kubuzwa gusubira mu gihugu n’udutsiko twitwaje intwaro aho yari akubutse mu ruzinduko muri Kenya.

Ni mu gihe Henry yari muri Kenya aho yari yagiye gusaba ubufasha bwo guhangana n’udutsiko tw’amabandi dusa nk’aho tugenzura igihugu.

Akanama k’abayobozi b’Akarere kahawe inshingano zo kwihutisha gushyiraho Minisitiri w’Intebe w’agateganyo.

Mu nama yabereye i Kingston, ejo ku wa Mbere Umuyobozi w’Umuryango w’Ibihugu bya Karayibe akaba na Perezida wa Guyana, Irfaan Ali, yavuze ko bemeye ubwegure bwe nyuma y’ishyirwaho ry’Inama y’Umukuru w’inzibacyuho no gushyiraho Minisitiri w’Intebe w’agateganyo.

Udutsiko twitwaje intwaro mu munsi yashize twigabije imihanda y’umurwa mukuru wa Haiti, Port-au-Prince, basaba ko Minisitiri w’intebe Henry yegura.

Muri izo mvururu imfungwa zigera ku 4000 zari muri gereza 2 nini mu gihugu zaratorotse, ndetse udutsiko twitwaje intwaro tugota ikibuga cy’indege Minisitiri Henry yari kururukiraho.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27