Perezida Kagame na Madamu mu 7,000 bizihiza Umunsi w’Abagore

Perezida Kagame na Madamu mu 7,000 bizihiza Umunsi w’Abagore

Kuri uyu wa 08 Werurwe 2024, u Rwanda rwifatanyije n’Isi kwizihiza umunsi Mpuzamahanga ngarukamwaka w’abagore, mu birori birimo kubera kuri BK Arena mu Mujyi wa Kigal byitabiriwe n’abasaga 7,000.

Ni ibirori byitabiriwe na Perezida wa Repubulika y’u Rwanda Perezida Paul Kagame na Madamu, ahateraniye abagore bari mu nzego z’ubuyobozi n’indi mirimo itandukanye hamwe n’abafatanyabikorwa mu iterambere.

Ibiganiro birimo gutangwa kuri uyu munsi, biribanda ku iterambere ry’umugore mu myaka 30 ishize.

Nikuze Suzane ni umwe mu bagore bamaze kwiteza imbere babikesha umwuga w’ubuhinzi, avuga ko anezezwa no kuba hari icyo yagezeho mu rugo rwe, kandi abigizemo uruhare.

Ati: “Mfite aho nkorera hafite agaciro karenga miliyoni 40 z’amafaranga y’u Rwanda, kandi nkagira ibikoresho, abo nkoresha mpemba ni benshi n’ibindi bikorwa nkora.”

Umuyobozi Mukuru w’Inama y’Igihugu y’Abagore, Nyiramajyambere Belancille, avuga ko kwizihiza umunsi mpuzamahanga w’umugore muri uyu mwaka, byahuriranye no kwizihiza imyaka 30 ishize, umugore agira uruhare mu iterambere ry’Igihugu, ari iby’agaciro.

Ati “Ku bazi neza amateka y’u Rwanda, bazi imbaraga Igihugu cyashyizemo kugira ngo umugore n’umukobwa basubizwe agaciro, amahirwe n’uburenganzira bwabo.”

Umunsi mpuzamahanga w’umugore mu Rwanda urimo kwizihizwa ku nshuro ya 49, ukaba ufite insanganyamatsiko igira iti “Umugore mu iterambere.”

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27