Ibicuruzwa u Rwanda rwohereje hanze byinjije asaga miliyari 7 Frw

Ibicuruzwa u Rwanda rwohereje hanze byinjije asaga miliyari 7 Frw

Ikigo cy’Igihugu gishinzwe guteza imbere iyoherezwa mu mahanga ry’ibikomoka ku Buhinzi n’Ubworozi (NAEB) cyatangaje ko mu cyumweru gishize u Rwanda rwohereje hanze ibifite agaciro k’amafaranga y’u Rwanda asaga miliyari 7.

Ikawa, icyayi n’umusaruro w’ibikomoka ku buhinzi bw’imboga, imbuto n’indabo, ikawa, icyayi n’ibindi bikomoka ku buhinzi n’ubworozi u Rwanda rwohereje hanze bifite agaciro k’amadolari y’Amerika 5 720 850, akaba asaga miliyari 7 z’amafaranga y’u Rwanda.

NAEB itangaza ko mu cyumweru gishize guhera ku itariki ya 26 Gashyantare kugera ku ya 1 Werurwe 2024, u Rwanda rwohereje mu mahanga Mega Toni 183 z’ikawa zinjiza amadolari y’Amerika 973,778. Igiciro mpuzandengo ku kilo cyari amadolari y’Amerika 5.32.

Muri icyo cyumweru kandi NAEB itangaza u Rwanda rwohereje mu mahanga Mega Toni 735 z’icyayi zinjiza amadolari y’Amerika 2,268,151. Igiciro mpuzandengo ku kilo cyari amadolari y’Amerika 3,09.

Ibikomoka ku buhinzi bw’imbuto u Rwanda rwohereje hanze Mega Toni 428, zinjije amadolari y’Amerika 357,512. Igiciro mpuzandengo cyari amadolari y’Amerika 0,84 ku kilo.

Imbuto zoherejwe mu Burayi, Asia no muri Afurika.

Ibinyabijumba, ifu, ibinyamavuta n’ibindi byoherejwe hanze byinjije amadolari y’Amerika 637 419. Byoherejwe muri Afurika no mu Burayi.

Ibindi bicuruzwa byoherejwe mu mahanga mu cyumweru gishize harimo amata n’ibiyakomokaho, ibikomoka ku nyamaswa, inyama, amagi, amafi, ibinyamisogwe n’ibinyampeke byinjije amadolari y’Amerika 1 483 990.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27