Paul Pogba yahagaritswe imyaka ine mu mupira w’amaguru

Paul Pogba yahagaritswe imyaka ine mu mupira w’amaguru

Umufaransa Paul Pogba ukinira Juventus yo mu Butaliyani mu kibuga hagati, yahagaritswe imyaka ine mu bikorwa by’umupira w’amaguru kubera gukoresha imiti imwongerera imbaraga mu mubiri izwi nka “testosterone”.

Ibi byabaye nyuma y’umukino Juventus yatsinze Udinese 3-0 ni bwo Ikigo cy’Igihugu gishinzwe kurwanya Ibiyobyabwenge (NADO), cyatoranyije bamwe mu bakinnyi ba Juventus kugira ngo bapimwe hagamijwe kureba ko bakoresha ibiyobyabwenge, hagaragaramo na Pogba utari wakinnye uwo mukino.

Nyuma sangwamo uyu musemburo Labile Pogba yahagaritswe by’agateganyo n’Ikigo gishinzwe Kurwanya Ikoreshwa ry’Ibiyobyabwenge hagendewe ku bipimo byafashwe ku wa 20 Kanama 2023.

Testosterone ni imisemburo isanzwe ya kigabo ariko ishobora kongerwa hifashishijwe imiti. Bikorwa kenshi ku bakinnyi kugira ngo biyongerere imbaraga. Usibye guhagarikwa imyaka ine, iyo abihamijwe n’amategeko bishobora no kumuviramo kudasubira mu mukino burundu.

Muri Nyakanga 2022 ni bwo Pogba yasubiye muri Juventus amaze gusoza amasezerano ye muri Manchester United, ahita asinya imyaka ine nubwo yatangiranye imvune zikomeje gutuma atitwara neza.

Mbere yo guhanwa Pogba yakinnye iminota 51 gusa mu mwaka w’imikino wa 2022-2023 agaragara ku mukino wa Bologna na Empoli nabwo yinjiye mu kibuga ari umusimbura.

Pogba n’abamuhagariye mu mategeko batangaje ko bangiye kujurira uyu mwanzuro mu rukiko rwa siporo rwa FIFA.

Paul Pogba, yatwaye igikombe cy’Isi cya 2018 n’u Bufaransa batsinze Argentina ku mukino wa nyuma.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27