Ukraine: Yarashe indege z’intambara zirenga icumi z’u Burusiya

Ukraine: Yarashe indege z’intambara zirenga icumi z’u Burusiya

Igisirikare cya Ukraine kuri uyu wa Kabiri cyatangaje ko cyarashe indege z’u Burusiya zitagira abapilote 11 z’u Burusiya mu ijiro ryatambutse.

Voice Of America yatangaje ko Ingabo za Ukraine zirwanira mu kirere zavuze ko u Burusiya bwakoresheje indege zitagira abapilote13 na misile eshanu mu bitero iheruka kugaba byibasiye uturere twa Kharkiv, Sumy, Dnipropetrovsk, Khmelnytskyi na Kirovohrad.

Gusa nta makuru yahise atangazwa ku byangiritse cyangwa abapfuye.

Perezida wa Ukraine, Volodymyr Zelenskyy, mu ijambo rye ryo ku wa Mbere yavuze ko mu nama iri gukorwa n’abayobozi b’ibihugu by’u Burayi harimo kuganirwa no ku ntwaro za gisirikare za Ukraine, ubushobozi bwayo bwo gukora intwaro, guhabwa intwaro zivuye mu bihugu by’abafatanyabikorwa ndetse no gukomeza gushyigikira Ukraine mu ntambara bahanganyemo n’u Burusiya.

Ubwo Perezida w’u Bufaransa, Emmanuel Macron, yari mu nama ndetse n’abandi Bayobozi b’Ibihugu by’u Burayi yavuze ko u Burusiya butagomba gutsinda intambara.

Perezida w’u Bufaransa yavuze ko abayobozi b’u Burayi bemeje ko bagomba kwitegura igitero gishobora kugabwa n’u Burusiya mu myaka iri imbere kandi ko hakenewe izindi mbaraga zo gufasha Ukraine mu bijyanye n’amafaranga ndetse n’igisirikare.

Iyi ntambara imaze imyaka Ibiri , Perezida wa Ukraine Zelensky, ejo hashize yatangaje ko imaze kugwamo abasirikare ba Ukraine barenga ibihumbi 31,000.

Ni mu gihe Umuryango uharanira uburenganzira bwa muntu nawo uherutse kuvuga ko abasivile bagera ku bihumbi 10,582 ari bo bamaze kuhasiga ubuzima, naho 19,875 bakaba ari inkomere.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27