Tunisia: Abatavuga rumwe n’ubutegetsi barigaragambije biyicisha inzara

Tunisia: Abatavuga rumwe n’ubutegetsi barigaragambije biyicisha inzara

Rached Ghannouchi, Umuyobozi utavuga rumwe n’ubutegetsi bwa Tunisia akaba n’Umuyobozi w’ishyaka rya Ennahda n’abandi batavuga rumwe n’ubutegetsi, bari mu  myigaragambyo yo kwiyicisha inzara  bavuga ko barimo guharanira inyungu za Leta.

Iki ni icyemezo cyifashwe mu rwego rwo kwamagana ifungwa ry’abatavuga rumwe n’ubutegetsi, nkuko byatangajwe n’itsinda ry’Abavoka bahagarariye abatavuga rumwe n’ubutegetsi.

Africa News itangaza ko Ghannouchi w’imyaka 82, kuva kera yanenze  Perezida Kais Saied na Guverinoma ye.

Umwaka ushize, yatawe muri yombi ashinjwa guhungabanya umutekano no kurwanya Inzego z’umutekano.

Mu itangazo ryashyizwe ahagaragara Ghannouchi yasabye ko habaho kubahiriza amahame ya demokarasi, ashimangira akamaro ku bwisanzure n’ubwigenge bw’ubucamanza.

Abatavuga rumwe n’ubutegetsi bamaganye byimazeyo ibikorwa bya Perezida Saied, cyane cyane icyemezo yafashe cyo gusesa Inteko Ishinga Amategeko yatowe mu 2021.

Mu cyumweru gishize, abandi bayobozi batandatu batavuga rumwe n’ubutegetsi, batangije imyigaragambyo yo kwiyicisha inzara basaba ko abafunzwe badakatiwe n’inkiko barekurwa.

Mu bayobozi bafunzwe harimo Jawher Ben Mbarak, Khayam Turki, Ghazi Chaouachi, Issam Chabbi, Abdelhamid Jalasi, na Rida Belhaj, bose batawe muri yombi bakekwaho umugambi wo guhungabanya umutekano w’Igihugu.

Abatavuga rumwe n’ubutegetsi bashinja Perezida Saied kuniga ubwisanzure bw’itangazamakuru no guhungabanya inzego za demokarasi binyuze mu ivugurura ry’Itegeko Nshinga, nubwo  Saied ashimangira ko ibikorwa bye ari ibituma Tunisia idahungabana.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27