Perezida Kagame aratangaza ibyagezweho mu mavugurura ya AU

Perezida Kagame aratangaza ibyagezweho mu mavugurura ya AU

Paul Kagame, Perezida wa Repubulika y’u Rwanda akaba n’Umuyobozi wa Komisiyo yashyiriweho kuyobora amavugurura y’Umuryango w’Afurika Yunze Ubumwe (AU), yitezweho kugaragaza ibyagezweho muri izo nshingano yahawe n’Abakuru b’Ibihugu bigize uyu Muryango. 

Aratangaza intambwe yatewe mu Nama isanzwe ya 37 y’Inteko Rusange y’Abakuru b’Ibihugu na Guverinoma bihuriye mu Muryango w’Afurika Yunze Ubumwe ibera i Addis Ababa muri Ethiopia. 

Mu myaka umunani ishize kuva ayo mavugurura yatangira, Ikigega cy’Amahoro cyongerewe Imbaraga cyashyizwemo miliyoni zigera kuri 400 z’amadolari y’Amerika ndetse inkunga yiyemejwe n’ibihugu by’Afurika yatanzwe ku rwego rushimishije. 

Inama y’uyu mwaka iribanda ku nsanganyamatsiko y’uburezi, ije ikurikira indi nama yiga ku Guteza Imbere Uburezi yayobowe n’Umunyamabanga Mukuru w’Umuryango w’Abibimbye Antonio Guterres muri Nzeri 2022. 

Ukwihutisha iterambere ry’impinduka zikenewe mu burezi gushingiye ku bibazo biri muri urwo rwego ndetse n’ubukererwe buri mu kugera ku ntego ya 4 y’Intego z’Iterambere Rirambye (SDGs), mu gihe Afurika ihanganye n’imbogamizi karundura zibangamira kuyigeraho. 

Ibiganiro ku rwego rw’uburezi muri Afurika biribanda ahanini ku mbaraga zashyizwe mu kubugeza kuri bose, ireme ryabwo, kubaka ibikorwa remezo ndetse no kwibanda ku kugabanya abana batabona amahirwe yo gukandagira mu ishuri, bikajyana no kugabanya ikigero cy’abatazi gusoma, kwandika no kubara. 

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27