Guinée Conakry yafunguye Ambasade mu Rwanda

Guinée Conakry yafunguye Ambasade mu Rwanda

Kuri uyu wa Gatandatu tariki ya 27 Mutarama 2024, Perezida wa Guinée Conakry, Lt. Gen. Mamadi Doumbouya yafunguye ku mugaragaro Ambasade y’igihugu cye mu Rwanda.

Ni mu rwego rwo gukomeza gushimangira umubano uhuriweho n’impande zombi.

Ni igikorwa Perezida Lt. Gen. Mamadi Doumbouya yakoze mbere yo guhaguruka i Kigali we na Madamu Lauriane Doumbouya basubira mu gihugu cyabo nyuma yo gusoza uruzinduko rw’iminsi itatu bagiriraga mu Rwanda, bakaba baherekejwe na Perezida Paul Kagame na Madamu Jeannette Kagame.

U Rwanda na Guinée Conakry bikomeje kubaka ubufatanye mu nzego zitandukanye aho na Perezida Kagame mu mwaka ushize yari yasuye icyo gihugu.

Uruzinduko rwa Perezida Lt. Gen. Doumbouya yasoje mu Rwanda rwari rwaturutse ku busabe bwa Perezida Kagame.

Lt. Gen. Doumbouya yagaragaje ko yishimiye uko yakiriwe mu Rwanda ndetse anashimangira ko ubu bufatanye agiye gukomeza kubusigasira aho yavuze ko Kigali na Conkary ari nk’urugo rumwe.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27