OMS yatangaje ko Cape Verde yaranduye Malariya

OMS yatangaje ko Cape Verde yaranduye Malariya

Ishami ry’Umuryango w’Abibumbye ryita ku Buzima (OMS) ryatangaje ko igihugu cya   Cape Verde cyaranduye mu buryo bwuzuye indwara ya Malariya.

Byatangajwe mu muhango wabaye kuri uyu wa Gatanu tariki ya 12 Mutarama 2024, OMS yatangarije Isi ko Iki kirwa cyo ku mugabane w’Afurika kigizwe n’ibirwa icyenda,Cape Vert , cyabashije kurandura burundu  indwara ya Malariya

Ni umuhango wari witabiriwe n’Umunyamabanga Mukuru wa OMS, Dr Tedros Adhanom Ghebreyesus.

Minisitiri w’Intebe wa Cape Verde, Ulisses Correia e Silva yishimiye iyi ntambwe igihugu cye giteye.

“Ku gihugu twimakaza ibikorwa by’ubukerarugendo, ari cyo gikorwa cy’ibanze cy’ubukungu, kurandura malariya ni ugukuraho inzitizi ku bantu batugenderera, kurandura imyumvire batugiragaho batwishisha no kurushaho kongera imbaraga mu kugira isuku”.

Cape Verde ije ari cyo gihugu cya gatatu muri Afurika kiranduye burundu Malariya nyuma y’ibihugu nka Mauritius na Algeria

OMS ivuga ko Afurika icyugarijwe cyane n’indwara ya Malariya kurusha ahandi ku Isi.

Imibare ya OMS yo muri 2022 yagaragazaga ko mu bice bituwe abantu bagera kuri 94% barwaye Malariya, ni ukuvuga abangana na miliyoni 233 ndeste yahitanye abantu bangana n’ibihumbi 580.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27