Nigeria: Igisirikare cyivuganye abagize umutwe w’iterabwoba 86

Nigeria: Igisirikare cyivuganye abagize umutwe w’iterabwoba 86

Umuyobozi ushinzwe itangazamakuru mu gisirikare cya Nigeria yatangaje ko ingabo z’iki guhugu ziherutse kwivugana abagize umutwe w’iterabwoba 86 hafatwa abandi 101, kandi ko ziyemeje gutsinda urugamba rwo kurwanya imitwe y’iterabwoba.

Africa News yatangaje ko ibitangazamakuru byo muri ako gace bivuga ko Gen. Maj. Edward Buba, yavuze ko hafashwe n’abandi   30 bakoze ubujura bwa peteroli kandi barokora ubuzima bwa 21 bari barashimuswe.

Gen. Maj ubwo yagezaga  ijambo ku banyamakuru i Abuja yavuze ko intego z’abasirikare mu 2024, ari izo gushakisha no kurimbura abari mu mitwe yitwaje intwaro aho bihishe hose.

Gen. Maj. Edward Buba yahamagariye abaturage gutanga amakuru ayo ariyo yose yafasha igisirikare kandi yizeza ko ingabo za Nigeria zizagira icyo zikora kuri ayo makuru.

Nigeria yazengerejwe n’imitwe yitwara gisirikare, n’udutsiko tuzwi ku  izina ry’amabandi, dutera ubwoba abaturage tukabashimuta ndetse tukabambura n’ibyabo.

Ni mu gihe inyeshyamba za jihadiste zo mu Majyaruguru y’uburasirazuba bw’igihugu zimaze imyaka 14 ziteza umutekano muke.

Aba barwanyi bateje urupfu rw’abantu bagera ku 40.000 kandi bahatira abarenga miliyoni ebyiri kwimuka bava mu byabo.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27