Perezida wa Gabon yakiriye intumwa z’u Rwanda mu biro bye

Perezida wa Gabon yakiriye intumwa z’u Rwanda mu biro bye

Perezida w’inzibacyuho wa Repubulika ya Gabon, Gen Brice Clotaire Oligui Nguema, yakiriye intumwa z’u Rwanda zirimo abagize Guverinoma ndetse n’abacuruzi. Ni intumwa ziyobowe na Francis Gatare, Umuyobozi Mukuru w’Urwego rw’Iterambere mu Rwanda (RDB).

Ubutumwa bwa Perezidansi ya Gabon bwashyizwe ku rubuga rwa X, buvuga ko Perezida Brice Clotaire ejo ku wa Gatatu tariki 10 Mutarama 2024, yakiriye mu biro bye intumwa z’u Rwanda.   

Ibiganiro byabo byibanze ku guteza imbere ubucuruzi, ubukerarugendo Hagati y’ibihugu byombi.

Ibiro by’Umukuru w’igihugu cya Gabon bugira buti “Intumwa zaje gusangira inararibonye mu nzego zitandukanye mu rwego rwo guteza imbere umubano mu bijyanye n’ishoramari, ubucuruzi n’ubukerarugendo hagati y’ibihugu byombi”.

Ibi biganiro ngo biratuma abashoramari bo muri Gabon baza gushora imari mu Rwanda ndetse n’inganda z’Abanyarwanda zikajya gukorera muri Gabon.

Gabon ni igihugu gikungahaye ku bucukuzi bwa Peteroli, ubucuruzi bw’imbaho n’amabuye y’agaciro.

U Rwanda na Gabon bisanzwe bifitanye imikoranire n’ubuhahirane binyuze mu bwikorezi bwo mu kirere, Sosiyete Nyarwanda ya Rwandair ikorera ingendo i Libreville mu Murwa Mukuru wa Gabon.

Ibihugu byombi byasinyanye amasezerano y’imikoranire mu 1976, aza kuvugururwa mu 2010.

Urugaga rw’Abikorera mu Rwanda n’inzego zo muri Gabon bateganya kunoza imikoranire yo gutangira kuhakorera ubucuruzi nk’inzira yo guteza imbere ibikorerwa mu Rwanda no guhanga imirimo myinshi.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27