Abarundi bangiwe kwinjiza ibicuruzwa byabo muri Uvira

Abarundi bangiwe kwinjiza ibicuruzwa byabo muri Uvira

Abacuruzi b’Abarundi basanzwe bakorera ubucuruzi mu Mujyi wa Uvira mu Ntara ya Kivu y’Epfo, ejo ku wa Mbere bangiwe kwinjiza ibicuruzwa byabo muri Repubulika Iharanira Demokarasi ya Congo.

Ibi byakozwe n’urubyiruko rw’ibumbiye mu muryango utari uwa Leta uzwi nka Société Civile Congolaise. Byakorewe ku muhanda uri hafi y’umupaka wa Kavimvira uhuza Congo n’u Burundi.

Hari abaturage babwiye Radiyo Ijwi ry’Amerika ko harimo kugenzurwa moto kugira ngo harebwe ko nta Barundi bazanye ibicuruzwa byabo muri Congo.

Abandi basanzwe barimo gupakurura bimwe mu bicuruzwa byari mu modoka z’Abarundi.

Mafikiri Mashimango, Umuyobozi wa Sosiyete Sivile muri Uvira, avuga ko impamvu bafashe iyi ngingo yo kwangira Abarundi kwinjiza ibicuruzwa byabo muri Congo ari uko bamwe mu bayobozi b’Abarundi bahohotera Abakongomani iyo bari muri icyo gihugu.

Kugeza ubu Minisiteri y’Umutekano mu Burundi ntacyo iratangaza kuri aya makuru.

Ubusanzwe Abarundi bajyana muri Congo ibicuruzwa birimo inyama, imigati, amata, amazi, imboga, mu gihe Abakongomani bajyana mu Burundi isukuri, amavuta, n’ibitenge byo kwambara.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27