Nigeria: Perezida yahagaritse Minisitiri ukekwaho kunyereza umutungo

Nigeria: Perezida yahagaritse Minisitiri ukekwaho kunyereza umutungo

Perezida wa Nigeria Bola Tanibu yahagaritse Minisitiri ushinzwe ibikorwa by’Ubutabazi no kurwanya Ubukene kubera gukoresha konti ya banki ye yigenga muri Minisiteri ku bikorwa by’imari bya Minisiteri.

Betta Edu yahagaritswe mu gihe ikigo cya Nigeria gishinzwe kurwanya ruswa kiri gukora iperereza ricukumbuye ku bikorwa byose by’imari bya Minisiteri”.

Ibiro ntaramakuru by’Abongereza byatangaje ko Umuvugizi wa Perezidansi, Ajuri Ngelale, mu ijambo rye yavuze ko iperereza rizagera no muri gahunda zose z’ishoramari rya Nigeria.

Perezida Bola Tinubu yatowe umwaka ushize nyuma yo gusezeranya abaturage gukuraho ruswa n’ubukene bukabije.

Guverinoma ye yavuze ko iryo hagarikwa rikurikira ibyo yiyemeje ku kubahiriza amahame yo mu rwego rwo hejuru y’ubunyangamugayo, gukorera mu mucyo no gucunga  umutungo wa Nigeria”.

Ihagarikwa rya Edu rije nyuma y’iminsi mike ibitangazamakuru byaho bitangaje inyandiko yerekana ko yategetse ko miliyoni 585 z’amanaira, amafaranga akoreshwa muri Nigeria (661.000 $) y’inkunga yagenewe amatsinda atishoboye agomba kwishyurwa kuri konti ye bwite.

Minisitiri yahakanye amakosa yose ashinjwa gusa Abanyanigeriya benshi banenze ikoreshwa rya konti ya banki yigenga muri gahunda y’inkunga y’abatishoboye basaba ko Minisitiri Edu yirukanwa.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27