Uko bamwe mu bakinnyi n’abagore babo bizihije Noheli (Amafoto)

Uko bamwe mu bakinnyi n’abagore babo bizihije Noheli (Amafoto)

Benshi mu bafite amazina akomeye mu mupira w’amaguru ku Isi barimo abakinnyi n’abagore bifatanyije n’abandi kwizihiza umunsi mukuru wa Noheli kuri uyu wa Mbere, tariki ya 25 Ukuboza 2023.

Kuri uyu munsi, abakirisitu bizihiza ivuka rya Yezu Kirisitu, abakinnyi n’abatoza batandukanye bifashishije imbuga nkoranyambaga zitandukanye bifuriza ababakurikira Noheli Nziza.

Bamwe muri bo ntibanategereje ko Noheli igera kugira ngo bifotozanye n’imiryango yabo nk’uko bagiye babigaragaza ku mbuga zirimo Instagram na X yahoze ari Twitter.

Luka modric ukinira Real Madrid mu kibuga hagati asatira yasangije abamukurikira ifoto ari kumwe n’umugore we,Vanja Bosnić n’abahungu babo batatu bato barimo Ivano wavutse mu 2010, Ema wavutse 2013 na Sofia.

Casemiro ukina hagati n’umugore Anna Mariana bagaragaye bishimiye iminsi mikuru hamwe n’abana babo babiri, mu gihe myugariro Lisandro Martinez yafotowe ari kumwe n’umugore we, Muri Benitez, imbere y’igiti cya Noheli.

Rutahizamu wa FC Barcelone, Robert Lewandowski, na we yihutiye gufata ifoto ya Noheli ari kumwe n’umuryango we.

Rutahizamu wa Manchester City, Erling Haaland, yagaragaje ifoto ateruye igikombe cya UEFA champions League n’umupira wo gukina mbere ya Noheli

Abagore n’abakunzi b’ibyamamare na bo kandi ntibatanzwe muri iyi minsi mikuru aho bagiye ku mbuga nkoranyambaga bakagaragaza uko bayinjiyemo.

Umukunzi wa Scott McTominay wa Manchester United, Cam Reading, yasangije abamukurikira kuri Instagram amafoto yasohokanye n’inshuti ze mu ijoro ribanziriza Noheli.

Graziano Pellè wakiniye Southampton, yagaragaye ari kumwe n’umugore we, Viktoria Varga i Dubai mu gihe Max Verstappen uheruka kwegukana Shampiyona y’Isi ya Formula One, yifotozanyije n’umukunzi we, Kelly Piquet.

Umukunzi mushya wa Esteban Ocon ukinira Alpine muri Formula One, Flavy Barla, yasangije abamukurikira ifoto ye yambaye ikanzu y’umweru, yongeraho amagambo abifuriza kugira Noheli nziza.

Abandi bakinnyi barimo Neymar ukinira Al Hilal, Garbiel Jesus  Darwin Nunez wa Liverpool na Thiago Silva  wa Chelsea na bo bizihije uyu munsi mukuru bari hamwe n’imiryango yabo.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27