Abarimu bakanguriwe kubyaza umusaruro ikoranabuhanga mu myigishirize

Abarimu bakanguriwe kubyaza umusaruro ikoranabuhanga mu myigishirize

Abarimu bo mu Karere ka Ngororero bashishikarijwe kubyaza umusaruro gahunda z’ikoranabuhanga bagejejweho na Rwanda Equity ku bigo by’amashuri uburyo bwo kwigisha hakoreshejwe ikoranabuhanga, mwarimu agatanga amasomo yifashishije ‘tablet’.

Umuyobozi w’Akarere wungirije ushinzwe Iterambere ry’imibereho myiza y’abaturage Mukunduhirwe Benjamine yabishishikarije abari mu rwego rw’uburezi by’umwihariko mu nama yahuje umufatanyabikorwa Rwanda Equip (Education Quality Improved Program) , abashinzwe uburezi mu mirenge, ba nyir’ibigo by’amashuli (amadini n’amatorero), Abanyamabanga Nshingwabikorwa b’Imirenge abayobozi b’ibigo by’amashuri.


Yagize ati: “Abafite imikoranire n’uyu mushinga, murasabwa kubyaza umusaruro gahunda zawo, bityo umwarimu n’umunyeshuri bakagera ku musaruro bategerejweho”.

Visi Meya Mukunduhirwe yagarutse ku byiza umushinga wagejeje ku mashuri by’umwihariko ku bijyanye n’ikoranabuhanga mu myigire n’imyigishirize.

Itsinda rya Rwanda Equip ryaje riyobowe na Muhirwa Jean Bosco, hakaba
haganiriwe ku ishyirwa mu bikorwa ya za gahunda za Rwanda Equip imaze imyaka 2 ikorera mu Karere, ubu ikaba ikorera mu Mirenge 11 mu mashuri 26.

Rwanda Equip yibanda ku ireme ry’uburezi by’umwihariko itoza abanyeshuri kunoza imikoreshereze y’ururimi rw’icyongereza no guhugura abarimu mu nshingano zabo harimo kuvanaho inzitizi bahura nazo mu rurimi rw’icyongereza, kubongerera ubumenyi mu masiyansi n’ikoranabuhanga.

Rwanda Equip yifashishije ikoranabuhanga ikurikirana imikorere y’abarimu, ifasha abarimu kunoza ibyo bari bwigishe ibategurira amasomo nibura y’ibyumweru 2.

Abarimu batanga amasomo bifashisha tabuleti (tablets), hakigishwa amasomo aba yarateguwe neza, ku buryo aba agamije kuzamura ireme ry’uburezi.

umuyobozi w’ishuri na we aba afite Telefone igezweho (smart phone) imufasha kugenzura ibyo abarimu bakoze byose buri munsi (ubwitabire n’amasomo batanze).

Sangiza abandi iyi nkuru
Ibitekerezo 1
Indushyi

Nta musaruro bitanga ahubwo ni ukuroga abana burwanda

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27