NEC iributsa ibyemewe n’ibibujijwe abiyamamaza n’abagize inteko z’itora

NEC iributsa ibyemewe n’ibibujijwe abiyamamaza n’abagize inteko z’itora

Amatora yo kuzuza Inama Njyanama z’Uturere aba kuri uyu wa Kane tariki 07 Ukuboza 2023, Komisiyo y’Igihugu y’Amatora NEC yibukije abakandida ko hari ibyo bagomba kwirinda.

Komisiyo y’Igihugu y’Amatora iributsa abantu bose  by’umwihariko abagize inteko z’itora,  n’abakandida bemejwe ibyo bemerewe ndetse n’ibyo babujijwe.

NEC yatangaje ko igikorwa cyo kwiyamamaza cyatangiye tariki 30 Ugushyingo 2023 kikageza kuri uyu wa Kane  ku ya  7 Ukuboza 2023 ari nabwo amatora nyirizina aba.

Ibi birakorwa mu bitangazamakuru, mu ikoranabuhanga (Social Media), kumanika amafoto ahagenwe n’ubuyobozi n’imbere y’Inteko itora kuri uyu wa Kane ku munsi w’itora.

Ibibujijwe mu kwiyamamaza harimo kumanika amafoto, inyandiko n’ibindi ahatabigenewe, kwiyamamaza mu izina ry’Umutwe wa Politiki, gukoresha ibiranga Igihugu n’ibiranga imitwe ya politiki ku mafoto n’inyandiko, gukoresha umutungo wa Leta mu buryo bunyuranyije n’amategeko.

Gutuka cyangwa gusebya mu buryo ubwo ari bwo bwose undi mukandida, gukoresha ruswa, gushingira ku ivangura  cyangwa amacakubiri.

Aya matora ni ayo kuzuza za Njyanama hatorwa Abajyanama Rusange ndetse na 30% by’abagore bagize Inama Njyanama.

 Uyu munsi haratorwa  Abajyanama Rusange mu Turere twa Burera1, Gakenke1, Karongi1, Musanze3, Nyamasheke1, Rubavu1, Rutsiro8

 na Rwamagana 1.

Nanone kandi, 30% by’abagore bagize Inama Njyanama bo haratorwa 2 mu Karere ka Kamonyi, umwe muri Rulindo na 5 mu Karere

Rutsiro.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27