M23 yongeye kwerekana abarimo Abarundi yafatiye ku rugamba

M23 yongeye kwerekana abarimo Abarundi yafatiye ku rugamba

Kuri uyu wa Kabiri tariki ya 14 Ugushyingo 2023, umutwe wa M23 wongeye kugaragaza bamwe mu basirikare barwana ku ruhande rwa Guverinoma ya Congo iherutse gufatira mu mirwano barimo n’abari mu gisirikare cy’u Burundi.

Umuvugizi wa M23 mu bya gisirikare Major Willy Ngoma yavuze ko kugaragaza aba basirikare ubundi badakwiye kubikora ariko impamvu babikora ari uko baba bagira ngo babigaragarize amahanga ko hari ubufatanye bwa Congo n’u Burundi mu kurwanya uyu mutwe.

Yagize ati: “Tugiye kubereka abafatiwe ku rugamba, hari ubufatanye bwa Leta ya Congo n’iy’u Burundi turimo kurwana n’ihuriro rigari ririmo ingabo za Guverinoma ya Congo n’iy’u Burundi, mu gihe kubona abari mu mutwe wa FDL, Abanyatura ndetse n’abari mu ngabo z’u Burundi”.

Twebwe nka M23 tunyuranyije n’amasezerano mpuzamahanga arengera ikiremwa muntu, ubundi ntabwo twashoboraga kuberekana ariko tubikoze kugira ngo abantu bamenye ndetse Isi yose ibibone, turagaragaza ibibaranga byose kugira ngo Isi imenye ikibazo nyirizina gihari”.

Mu bo M23 yagaragaje harimo abasirikare bambaye imyenda ya FARDC bavuga ko bari mu gisirikare cy’u Burundi bakaza kwoherezwa muri Repubulika Iharanira Demokarasi ya Congo babwirwa ko bagiye kurwana n’Abanyarwanda icyakora bagahamya ko bagezeyo nta munyarwanda bahasanze.

Umwe muri bo yagize ati: “Twari mu Burundi batwambika imyambaro ya FARDC, twari abantu 50 batwuriza indege dufata intwaro za FARDC tugeze i Goma, batubwiye ko tugiye kujya i Kilorirwe kurwanya Abanyarwanda, gusa tugezeyo twasanze nta Banyarwanda bahari ari Abakongomani”.

Uretse aba basirikare b’Abarundi batatu, M23 kandi yanerekanye abarwanyi yafashe barimo ab’umutwe wa  Wazalendo babiri n’abandi b’umutwe w’iterabwoba wa FDLR aba barimo uvuga ko yawinjiyemo afite imyaka 15.

ZIGAMA THEONESTE

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27