‘Drones’ zigiye kwifashishwa mu kugenzura abangiza ibidukikije

‘Drones’ zigiye kwifashishwa mu kugenzura abangiza ibidukikije

Abasenateri bagize Komisiyo y’Ububanyi n’Amahanga, Ubutwererane n’Umutekano baganiriye na Minisitiri w’Ibidukikije Dr Mujawamariya Jeanne d’Arc Jeanne, mu kugenzura aho u Rwanda rugeze rushyira mu bikorwa amasezerano yerekeye imihindagurikire y’ibihe rwashyizeho umukono mu 1992 muri Brazil.

Minisitiri yagaragarije Sena ibimaze kugerwaho mu ishyirwa mu bikorwa ry’aya masezerano, imikoranire y’inzego zifite mu nshingano guhangana n’imihindagurikire y’ibihe, imbogamizi zihari mu gushyira mu bikorwa ibikubiye muri aya  masezerano n’igikorwa ngo ziveho.

Komisiyo ya Sena y’u Rwanda yatangiye gusuzuma uko ibidukikije bibungabungwa, ishima intambwe imaze guterwa.

Minisitiri Dr Mujawamariya yatanze ingero z’ibimaze gukorwa.

Ati: “Hakozwe byinshi nko gutunganya ibishanga, gahunda y’uko mu 2030 u Rwanda ruzaba rwagabanyije 38% by’ibyuka bihumanya ikirere.

Yongeyeho ati: “Turabizi ko drone zakwifashishwa mu kubungabunga ibidukikije, dufatanyije na UNDP turi guha Urwego rw’Igihugu rw’Ubugenzacyaha RIB drone zizakurikirana uko ibidukikije bibungabungwa ndetse zigatanga n’amajwi cyane cyane mu rwego rw’ubucukuzi kuko hari ahantu haba hari ibikorwa byangiza ibidukikije, ikindi dushima ni uko ari RIB na Polisi bashyizeho ishami ryo kubungabunga ibidukikije”.

Drone kuri ubu zinakoreshwa mu kurwanya imibu, kugeza amaraso kwa muganga, kugeza intanga ziterwa amatungo ku borozi n’ibindi.

NYIRANEZA JUDITH

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27