Burera: Umuhanda Gahunga- Cyanika watangiye gusanwa

Burera: Umuhanda Gahunga- Cyanika watangiye gusanwa

Nyuma y’aho Imvaho Nshya iganirije abakoresha n’abaturiye umuhanda Gahunga- Cyanika, bakayibwira impungenge n’akababaro baterwa n’uyu muhanda kubera ko ushaje, nyuma y’ibyumweru bibiri inkuru isohotse, none kuri ubu RTDA yatangiye kugenda isiba ibinogo, igikorwa cyashimishije abaturage.

Nsekanabo Jean de Dieu yagize ati: “Twishimiye uburyo uyu muhanda barimo gukuramo ibinogo n’ubwo utarimo kubakwa uko twifuza cyane ko twifuza ko wakwagurwa, turashimira ubuvugizi bwakozwe n’itangazamakuru harimo na Imvaho nshya, dushimiye kandi Perezida wacu wumvise ibyifuzo byacu”.

Umwe mu batwara imodoka muri uyu muhanda Musanze–Cyanika Habib Mugwaneza yavuze ko yishimiye iki gikorwa

Yagize ati: “Kuri ubu noneho twiteze ko ibi binogo n’ibizenga by’amazi bigiye kugabanyuka yenda ibindi bikorwa birimo nko kubaka imiferege bizakorwa nyuma ariko turaba duhumetseho, turashimira itangazamakuru”.

Kuri rukuta rwa x ya RTDA yagize iti: “Imirimo yo gusana umuhanda wa Musanze –cyanika, irarimbanyije ku gice cyari gisigaye cya Gahunga  kugera ku mupaka wa Cyanika.

Ibi bikaba biri mu rwego rwo gukomeza gusigasira umutekano w’abakoresha uyu muhanda, uw’ibinyabiziga biwukoresha, no koroshya ubuhahirane nyambukiranyamipaka”.

NGABOYABAHIZI PROTAIS

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27