Muhima: Abana 15 bagaruwe mu ishuri ababyeyi bibutswa inshingano

Muhima: Abana 15 bagaruwe mu ishuri ababyeyi bibutswa inshingano

Mu masaha y’igitondo kuri uyu wa Kabiri tariki 31 Ukwakira 2023, Inzego z’ibanze zifatanyije n’Urwego rwunganira Akarere mu mutekano (DASSO) mu Murenge wa Muhima mu Karere ka Nyarugenge mu Mujyi wa Kigali, bagaruye abana 15 bataye ishuri.

Abana 6 b’abakobwa n’abahungu 9 bagaruwe mu ishuri bakuwe mu tugari twa Nyabugogo, Tetero, Kabeza, Kabasengerezi na Rugenge.

Ubuyobozi bw’Umurenge wa Muhima butangaza ko icyo gikorwa cyarangiye gitanze umusaruro kuko abana 15 bahise basubizwa mu ishuri kandi bagashakirwa n’umufatanyabikorwa uzabafasha kwishyura amafaranga y’ishuri ku biga amashuri abanza n’ayisumbuye.

Ababyeyi b’abo bana bavuga ko icyatumye bava mu ishuri bituruka ku kutagira ubushobozi bwo kubishyurira amafaranga y’ishuri.

Ku rundi ruhande, inzego zitandukanye zikorera mu Murenge wa Muhima zaganirije abana n’ababyeyi kuri Politiki y’uburezi budaheza ndetse n’ibihano bihanishwa umubyeyi utajyana umwana ku ishuri.

Ubuyobozi bwa Muhima bwatangarije Imvaho Nshya ko hazakomeza gukorwa ubuvugizi bukemura imbogamizi zose bagira zatuma badakomeza kwiga.
Usabye Mediatrice, uhagarariye amashuri mu Murenge wa Muhima, yakanguriye ababyeyi kwita ku burere bw’abana babo n’imyigire yabo.
Ashimangira ko kutajyana abana ku ishuri bihanwa n’amategeko.

KAYITARE JEAN PAUL

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27