Abasifuzi bazayobora umukino wa APR FC na Rayon Sports bamenyekanye

Abasifuzi bazayobora umukino wa APR FC na Rayon Sports bamenyekanye

Ishyirahanwe ry’umupira w’amaguru mu Rwanda FERWAFA ryahaye umusifuzi Mpuzamahanga Twagirumukiza Abdul Karim gusifura umukino w’umunsi wa cyenda wa shampiyona y’ikiciro cya mbere mu bagabo 2023-2024 utegerejwe n’abantu benshi mu Rwanda uzahuza APR FC na Rayon Sports kuri iki cyumweru tariki 29 ukwakira 2023 saa cyenda kuri Kigali Pele Stadium.

Amakipe yombi agiye guhura APR FC ya kabiri inganya amanota 17 na Musanze FC ya mbere.

Ku rundi ruhande, Rayon Sports ifite amanota 12 ku mwanya wa gatandatu ndetse izaba ikeneye gutsindira kugira ngo isatire uyu mukeba zihanganira Igikombe cya Shampiyona.

Imikino itatu iheruka guhuza amakipe yombi Rayon sports yayitsinze yose.

Muri uyu mukino Twagirumukiza Abdul Karim azungirizwa na Ishimwe Didier hamwe na Mugabo Eric, Rulisa Patience azaba ari umusifuzi wa Kane naho Komiseri w’umukino yagizwe  Bushayija Paul.

Twagirumukiza Abdul Karim yaherukaga gusifura uyu mukino tariki 16 Kamena 2021 kuri stade ya Bugesera, icyo gihe APR FC yatsinze Rayon Sports igitego kimwe ku busa cyatsizwe na ishimwe Annicet.

Kwinjira kuri uyu mukino utegerejwe n’abatari bake ni amafaranga y’u Rwanda 5000 ahadatwikiriye, ibihumbi 10 ahatwikiriye, ibihumbi 20 ku biyubashye, n’ibihumbi 50 ku biyubashye cyane.

SHEMA IVAN

Sangiza abandi iyi nkuru
Ibitekerezo 1
BYINZUKI Jean Baptiste

Uyu nta cyiza yifuriza Rayon Sport.
Ayisifurira nabi cyaneee.
Nta kindi FERWAPR yari gukora ngo irangize Rayon Sport uretse kuyiha uyu mukinnyi nako umusifuzi wa APR ngo ayisifurire. Kuki batayihaye Pucuri ko ariwe musifuzi utajya wiba?

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27