Perezida w’Amerika Joe Biden yasuye Isiraheli

Perezida w’Amerika Joe Biden yasuye Isiraheli

Perezida wa Leta zunze ubumwe za Amerika, Joe Biden yageze muri Israel kuri uyu wa Gatatu aho yagiriye  uzinduko rw’ubufatanye nyuma y’ibitero umutwe wa Hamas wagabye kuri iki gihugu.

Minisitiri w’Intebe wa Isiraheli, Benjamin Netanyahu yakiriye  Perezida Joe Biden buri umwe afata  akomeje mugenzi we nk’ikimenyetso cy’ubufatanye n’ubushuti bushya hagati y’aba bayobozi bombi.

Leta Zunze Ubumwe za Amerika ziherutse gutangaza ko zigiye kohereza amato n’indege by’intambara hafi ya Isiraheli mu rwego rwo kubafasha. 

Umunyamabanga wa Leta muri Minisiteri y’Ingabo ya Amerika, Pentagon, Lloyd Austin, yatangaje ko igihugu cye cyatangiye kohereza amato n’indege by’intambara hafi na Isiraheli ku buryo igihe cyose byakwifashishwa mu kurengera Isiraheli.

Amerika isanzwe ari igihugu cy’inshuti z’akadasohoka na Isiraheli, ndetse ni umufatanyabikorwa wayo mu by’intambara, iherutse gutangaza ko na yo igiye kwinjira mu ntambara ifatanyije n’iki gihugu.

Kuva tariki ya 07 Ukwakira 2023, umutwe wa Hamas wagaba igitero kuri Israel Abanyapalestine barenga 3 000 bamaze kuhasiga ubuzima mu gihe Isiraheli imaze gutakaza abarenga 1400.

KAMALIZA AGNES

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27