Iraq: Abarenga 100 bishwe n’inkongi yibasiye inzu yaberagamo ubukwe

Inkongi y’umuriro yatwitse inzu yaberagamo ubukwe mu Majyaruguru ya Iraq mu Mujyi wa Qaraqosh, ihitana abarenga 100.

Abantu babarirwa mu magana bizihizaga ibirori by’ubukwe muri iyo nyubako, ariko ntiharamenyekana icyateje uyu muriro nubwo raporo zimwe zerekana ko ushobora kuba waturutse ku bishashi by’umuririo byacaniwe mu bukwe.

Abashinzwe kuzimya inkongi bavuze ko ibishashi (Fireworks) byakongejwe ari byo bishobora kuba byatumye ibice by’igisenge bifatwa n’umuriro.

Ibiro Ntaramakuru by’Igihugu cya Iraq (INA), bivuga ko umuriro watumye ibice by’iyo nzu bisenyuka mu minota mike umuriro ubaye bitewe n’ikoreshwa ry’ibikoresho.

Ntabiramenyekana niba abageni na bo bari mu bahitanywe n’uwo muriro kuko amashusho yashyizwe hanze agaragaza ko ko bari ku rubyiniro mbere y’uko uduce twakaga umuriro dutangira kurugwaho.

Mu gitondo cyo kuri uyu wa Gatatu abashinzwe kuzimya ubutabazi no kuzimya inkongi  bari bagishakisha ababa barokotse iyi mpanuka.

Mariam Khedr wapfushije w’umukobwa we w’imyaka 27, abuzukuru batatu bato, na bucura ufite amezi umunani,  yavuze ko “ubu butari ubukwe ahubwo ari ukuzimu”.

Hassan al-Allaf, Umuyobozi wungirije w’Intara ya Nineveh, yatangarije Ibiro Ntaramakuru by’Abongereza Reuters ko abantu 113 ari bo bemejwe ko bapfuye.

KAMALIZA AGNES

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27