APR FC yasezereye Gaadiidka FC iyitsinse 2-0  

APR FC yasezereye Gaadiidka FC iyitsinse 2-0  

Gaadiidka FC yo muri Somalia yasezerewe n’ikipe y’ingabo z’u Rwanda APR FC iyitsinze ibitego 2-0 mu ijonjora ry’ibanze rya CAF Champions League. 

Ibitego bibiri bya APR FC byatsinzwe na Bemol Apam Assongwe naho Mugisha Gilbert bakunda kubyinirira Barafinda atsinda igitego cya kabiri.

Ni umukino wo kwishyura w’ijonjora rya mbere wabaye ku mugoroba wo ku wa Kane, tariki 24 Kanama 2023 kuri Kigali Pelé Stadium. 

Ruboneka Jean Bosco uzwi ku izina rya Rukubinkondo yateye ishuri rikomeye akubita umutambiko.

Ikipe ya APR FC yahise ibona igitego ku munota wa 55 mu gice cya Kabiri cy’umukino. 

Cyatsinzwe na rutahizamu Bemol Apam Assongwe.

Ku munota wa 57 ikipe ya APR FC yahushije uburyo bwari bwabazwe kuko Ruboneka yahise awushyira hanze. 

Byageze ku munota wa 80 bikiri 1-0. 

Igitego cya kabiri cya APR FC cyabonetse ku munota wa 88 gitsinzwe na Mugisha Gilbert uzwi nka Barafinda wagiyemo asimbuye. 

APR FC yakomeje ku giteranyo cy’ibitego 3-1, itegereje kuzahura na Pyramids FC yo mu Misiri ku mikino y’ijonjora rya kabiri isabwa gutsinda kugira ngo igere mu matsinda ya CAF Champions League.

KAYITARE JEAN PAUL

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27