Volleyball: Ikipe y’u Rwanda yakoze amateka  igera muri ½ mu mikino y’Afurika

Volleyball: Ikipe y’u Rwanda yakoze amateka  igera muri ½ mu mikino y’Afurika

Ikipe y’u Rwanda mu mukino wa Volleyball mu cyiciro cy’abagore yitwaye neza mu mikino y’Afurika irimo kubera muri Cameroun “Women’s African Nations Volleyball Championship 2023″ itsinda Algeria ibona itikeya ½ cy’irangiza.

Muri uyu mukino wabereye muri “Palais Polyvalent des Sports de Yaoundé”, ikipe y’u Rwanda yatsinze Algeria amaseti 3-2. Ikipe ya Algeria yabanje gutsinda u Rwanda amaseti 2-0 (25-23 na 25-15). Ikipe y’u Rwanda yegukanye iseti ya 3 ku manota 25-18 inegukana iseti ya 4 ku manota 25 kuri 23. Amakipe yombi yanganyije amaseti 2-2. Ikipe y’u Rwanda yegukanye iseti ya 5 ku manota 16-14 birangira yegukanye intsinzi y’amaseti 3-2 (23-25,15-25, 25-18, 25-23 na 16-14)

Mu yindi mikino yabaye, ikipe ya Misiri yatsinze Uganda amaseti 3-0 (25-13, 25-18 na 25-11), ikipe ya Kenya yatsinze Nigeria amaseti 3-0 (25-14,25-17 na 25-11) naho ikipe ya Cameroun itsinda Maroc amaseti 3-0(25-17,25-23 na 25-13).

Habaye n’imikino yo guhatanira imyanya (9-12), ikipe ya Burkina Faso yatsinze Lesotho amaseti 3-0 (25-13, 25-16 na 25-19) naho Mali itsinda u Burundi amaseti 3-0 (25-16, 25-16 na 25-19).

Gahunda y’imikino ya ½ 

Kuri uyu wa Gatatu taliki 23 Kanama 2023 ni bwo hakinwa imikino ya ½ cy’irangiza aho ikipe y’u Rwanda ikina na Misiri saa kumi (16h00) i Yaounde akaba ari saa kumi n’imwe i Kigali (17h00). Undi mukino urahuza Kenya na Cameroun saa kumi n’ebyiri (18h00) ubwo ni saa moya (18h00) i Kigali.

Imikino yo guhatanira imyanya

Mu mikino yo guhatanira imyanya iteganyijwe, ikipe ya  Lesotho irakina n’u Burundi (08h00) mu guhatanira umwanya wa 11 naho Mali ikine na Burkina Faso mu guhatanira umwanya wa 9.

Mu mikino yo guhatanira imyanya (5-8), Uganda irakina na Algeria (12h00) naho ikipe ya Nigeria ikine na Maroc (14h00). Iyi mikino yose irabera muri “Palais Polyvalent des Sports de Yaoundé”.

Yanditswe na NYIRANEZA JUDITH

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27