Volleyball: Hagiye gusozwa imikino yo mu matsinda

Volleyball: Hagiye gusozwa imikino yo mu matsinda

Kuri iki Cyumweru taliki 20 Kanama 2023 ni bwo hakinwa imikino ya nyuma y’amajonjora mu irushanwa ry’Afurika muri Volleyball mu cyiciro cy’abagore “Women’s African Nations Volleyball Championship 2023″.

Mu mikino iteganyijwe, mu itsinda A, ikipe ya Algeria irakina na Nigeria (13h00), ikipe y’u Burundi ikine na Misiri (14h00) naho Mali ikine na Cameroun (18h00).

Mu itsinda B, ikipe y’u Rwanda irakina na Maroc (11h00), Burkina Faso ikine na Uganda (12h00) naho Kenya ikine na Lesotho (16h00).

Mbere y’iyi mikino isoza yo mu matsinda, taliki 19 Kanama 2023 habaye imikino y’umunsi wa 4 aho mu itsinda A, ikipe ya Mali yatsinze u Burundi amaseti 3-0 (25-19, 25-20 na 25-20). Ikipe ya Misiri yatsinze Nigeria amaseti 3-0 (25-14, 25-17 na 25-20) naho Cameroun itsinda Algeria amaseti 3-0 (25-21, 30-28 na 25-18).

Mu itsinda B, ikipe ya Burkina Faso yatsinze Lesotho amaseti 3-0 (25-17, 25-18 na 25-19). Ikipe y’u Rwanda yatsinze Uganda amaseti 3-0 (25-20, 25-17 na 25-21) naho Kenya itsinda Maroc amaseti 3-1 (25-16, 25-23, 22-25 na 25-14).

Mbere y’imikino ya nyuma yo mu matsinda, ikipe ya Misiri iyoboye itsinda A n’amanota 12, ikurikiwe na Cameroun (10), Algeria (6), Nigeria (6), Mali (3) n’u Burundi (0).

Mu itsinda B, ikipe ya Kenya irayoboye n’amanota 12, ikurikiwe n’u Rwanda (9), Maroc (7), Uganda (5), Burkina Faso (3) na Lesotho (0).

Ikipe ya Misiri, Cameroun, Algeria, Nigera yo mu itsinda A ndetse na Kenya, u Rwanda, Maroc na Uganda zamaze kubona itike ya ¼ cy’irangiza.

Yanditswe na NYIRANEZA JUDITH

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27