Komite ikurikirana inzibutso zizashyirwa mu murage w’Isi yashimye u Rwanda

Komite ikurikirana inzibutso zizashyirwa mu murage w’Isi yashimye u Rwanda

Itsinda ry’Abagize komite ishinzwe gukurikirana inzibutso za Jenoside zizashyirwa mu murage w’Isi, ku gicamunsi cyo kuri uyu wa Kane basuye Urwibutso rwa Jenoside yakorewe Abatutsi rwa Nyamata mu rwego rwo gusuzuma uko inzibutso za Jenoside yakorewe Abatutsi mu 1994 zagenwe zazajya mu murage w’Isi.

Iri tsinda rigizwe n’abaje bahagarariye ibihugu byabo byo muri Afurika;birimo Cameroon, Mali, Niger, Afurika y’Epfo  n’ibindi, bari bayobowe na Vusithemba Ndima, Umuyobozi wa The African World Heritage Fund bakiriwe n’Umuyobozi w’Akarere ka Bugesera Mutabazi Richard anabaha ishusho rusange y’Akarere.

Nyuma yo gusobanurirwa amateka ya Jenoside yakorewe Abatutsi mu Karere ka Bugesera, by’umwihariko muri Nyamata ahubatse Urwibutso rwa Jenoside, Vusithemba Ndima uyoboye iri tsinda yashimiye Ubuyobozi bw’Igihugu cy’u Rwanda mu gusigasira ubumwe bw’Abanyarwanda nyuma ya Jenoside yakorewe Abatutsi mu 1994.

Yagize ati: “U Rwanda ndarushimira uburyo rukomeje kubungabunga no gusigasira ibimenyetso bya Jenoside  by’abiciwe muri Kiliziya ya Nyamata”.

 Urwibutso rwa Jenoside rwa Nyamata rwubatse mu Karere ka Bugesera mu Murenge wa Nyamata rushyinguyemo imibiri irenga ibihumbi 50 rukaba rubitse ibimenyetso byinshi bigaragaza amateka ya Jenoside yakorewe Abatutsi mu 1994 by’umwihariko aho i Nyamata no mu nkengero zaho.

Yanditswe na NYIRANEZA JUDITH

Vusithemba Ndimba asinya mu gitabo cy’abashyitsi
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27